Isiyaasi 11:14 - Kafa Linguistics Project

¹⁴ Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 11:14 ပူးပေါင်းရင်းမြစ်များ

Isiyaasi 14:29

“Filsixeemeenaꞌote, ittoshin yexxiti gumbo tiishetoyich ittoshi bulli emiriyaahote; dingeree xepphoochee xekeree kechemmine; bi gabexoochee awureebeeti dingero qoppeyemmone.

Isiyaasi 15:1

Moꞌabichon Doono Yeer waanee getteeti wocho ebine: Moꞌab beeti Ari katemoonaa Qiiri katemoona ikke xumoon aallemminaꞌone.

Isiyaasi 16:14

Tunebaani and Doono Yeeri ishichiye: “Shuunooch giyiti asho shuunee aaboon bi haddoommon, Moꞌabich oogoonaa dofee bi ashoona haddeeti keejje nati daggooch giishemmone; giisheche ashoonaa hakka guutoona baach echemmone” iye.

Isiyaasi 25:10

Doono Yeerichi kishoo hini guudi toommooch tunemmone; tunebaani Moꞌabee asheenaꞌo buyo dengooch gedaa koteyoommon koteyemminaꞌone.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 59:19

Doono Yeeri, yuboo gasheebeeti ambamboochoommon woyemmo bi tunetoyich, aabi-gimo waan beetinaꞌo Doono Yeeri shigoon, aabi-keyo waan beetinaꞌoo bi oogee yiiroon shattemminaꞌone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 40:11

Moꞌabee showooch, Amoonee asheenaꞌo daggooch, Edoomee showoonaa showoo bullinooch beeti Ayihudeenaꞌo bulli Baabloonee taatoo Ayihudee cureenaꞌon echiyoon, Shafaanichi bushoo Ahiqaamichi bushoo Gedaliyin boonoshi toommooch bi ukkiriyoon waayeꞌi,

Erimiyaasi 48:40

Ebich Doono Yeeri ishichiye: “Etto booyochoommon bi toommooch yoobi kindemmone; bi qoshoonoo Moꞌabi toommooch yaggemmone.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Erimiyaasi 49:22

Ebiyoche booyochoommon keyi biittemmone; bi qoshoonoo Botsiri toommooch yaggemmone; Edoomi ginee naayinaꞌo mulloo ebiyooba maaxoo manjeti maachechi mulloochoommon shattemmone” iye.

Erimiyaasi 49:28

Baabloonee taatoo Nabukadinatsori kochiti Qedaaree showoonaa Hatsoori taatittineechonon Doono Yeeri ishichiye: “Tibote, Qedaaree showoon koyote! Aabi-keyo waani ashoon aalliibote!

Hiziqeeli 25:14

Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Daaneeli 11:41

Gaawe Showeech giyemmone; meeti showeenaꞌo bi kishooch dihemminaꞌone. Tunebaani Edoomee showoo, Moꞌabee showoonaa echeti Amoonee showoona bi kishoochee muriccemminaꞌone.

Yoꞌeeli 3:19

Boonoshi showoochaa xalle ashi damoon boonoshi ukkitoyich, Yihudee asheenaꞌon boonoshi xuqqitoyich, Gibitsee showoo ashaalli xafo, Edoomee showoo barahoo, tunemmone.

Amootsi 9:12

Ebina, echeti Edoomee showoonaa ebiyee aaf taacho tuneti bare showoo bullinon koyi yechemminaꞌone” iye ebin tuniyemmi Doono Yeeri.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

Sofoniyaasi 2:5

Baharee gashooch koteti Kereetee asheenaꞌote, ittoshich woowo! Filsixeemeenaꞌo showoo tuneti Kanaanee showooch beetinaꞌote, Doono Yeeri ittoshi toommooch nallitone; koninolla echiyaanoon ittoshin aalliyemmone.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Haddoo 24:17

“Biin beeggaabeete; tunebaani and toonoone; biin ciinnaabeete; tunebaani katinoon toonoone; Yaaqob waanee xojjeno kechemmone; Israꞌeeleenaꞌo daggoochee taatittinee gumbo kechemmone; Moꞌabeenaꞌochi qelloon gaakkemmone; Seeti bushiisheenaꞌochi qelli koofon kophemmone;

Maatiyoosi 8:11

Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Woraaferasheenaꞌo 6:3

Israꞌeeleenaꞌo maayoon boonoshi shookkitoyee gubb, Miidiyameenaꞌo, Amaleeqeenaꞌonaa aabi-keyo waani asheenaꞌona waaꞌi boonoshin kochii beeheete.