Isiyaasi 11:12 - Kafa Linguistics Project

¹² Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 11:12 ပူးပေါင်းရင်းမြစ်များ

Shoddo 147:2

Doono Yeeri Yerusaalemin wochii shuunehe; kecceti Israꞌeeleenaꞌon wochii deebiye.

Shoddo 60:4

Maꞌoochee boonoshi muriccemmoyich, neen shattii beetinaꞌoyich malletoon bekkiitine.

Shoddo 68:22

Doono ishichii beetone: “Ne etteenaꞌon Bashaanee deebemmo taane; boonoshin baharee hoonoochee deebemmo taane.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 24:16

“Cadiqo tuneti biich oogo tunebe” immi shoddo showee tuggoochee waayeyemmone. Tunebaani ta, “Dallito taane; dallaa muujjeto taane; taach woowo! Dawushechinaꞌo dawushitinaꞌone; boonoshi dawushoonoo beshii beshii hammitinaꞌone” iyo.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 49:22

Nuggishoo Doono Yeeri ishichiye: “Aageteenaꞌon kappemmo taane; asheenaꞌo waanoo ta malletoon wochemmo taane; ittoshi anaami bushiisheenaꞌon boonoshi shoopphooch tiqqe, ittoshi maache bushiisheenaꞌon boonoshi gogooch shaagi, deebemminaꞌone.

Isiyaasi 49:5

Doono Yeeri aafoochaa oogoon daneto taane; ta Nuggishoo taach giidoon tunetone; batt ta indee maacooch ta beetaa, bi guuno tuniiꞌi taan kaacciti, Yaaqobin bi waan ta deebemmoyich, Israꞌeelin bi waan ta kicemmoyich tuniiti, Doono Yeeri ishichiye: “Yaaqobichi yoodeenaꞌon wochaa ne tiijjoo, muriccii woditi Israꞌeeleenaꞌon ne wochoo, ebi baach ta guuno neech bedaache; aageteenaꞌoyich neen ceechoo ta tuniitaa, showee toommo bulliich ta wodiyoon bechemmo neene” iye.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Isiyaasi 59:19

Doono Yeeri, yuboo gasheebeeti ambamboochoommon woyemmo bi tunetoyich, aabi-gimo waan beetinaꞌo Doono Yeeri shigoon, aabi-keyo waan beetinaꞌoo bi oogee yiiroon shattemminaꞌone.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 50:4

Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.

Erimiyaasi 51:12

Baablooni uxeroon gaakkii gimoyich malletoon tiijjibote; kupphii quyebote; kellechon neechibote; ottii koyechinaꞌon qanniibote; ebiyoo Doono Yeeri Baabloon beetinaꞌochon bi gettiton, gabiꞌi bi tuniitoyichiye.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.

Hosee'i 2:2

“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.

Sofoniyaasi 3:10

Wohi showooch shaceꞌi beeti ta asheenaꞌo, Topphiyee aacinaꞌoyee beqachee, buuroon taach deebiree ta waan corootemminaꞌone.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Zakaariyaasi 8:7

Beshe Mawe Doono Yeeri ishichiye: “Ta asheenaꞌon aabi-keyo waani showoonaa aabi-gimo waani showoonoochee biishemmo taane.

Yowannisi 7:35

Ebich Ayihudee ukkireenaꞌo boonoshinaa boonoshina “No biin daneyaachemmoyich, hini uro amooch hammane bi ii beeto? No macceenaꞌo shaceꞌi beeti Giriikeenaꞌochi katemeenaꞌooch hamiree Giriikee asheenaꞌoyich dojjoyich tunehe?

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.