Isiyaasi 11:11 - Kafa Linguistics Project

¹¹ Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 11:11 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

Halloo 10:22

Sheemi bushiishoo: Elaami, Ashuuri, Arifakisaadi, Luudinaa Araaminane.

Halloo 11:2

Asheenaꞌo aabi-keyo waanee hammiibee, Shinaaree showooch ikke bakkoon daneꞌi, arooch koteheete.

Halloo 14:1

Elaamee taatoo Kedorilameri beemmi yemeenooba ebi tunehe: Sodoomi taatoo Beeri, Gomoori taatoo Birishi, Adiimi taatoo Shinaabi, Tseboyimi taatoo Shemebeerinaa Tsoꞌari getteebeeti Belaahi taatoona aaraa gutte naton taatoo Kedorilamerich maddee beeheete. Tunebaani aaraa keejjinnee natooba, hukkoon shuuneheete. Elaamee taatoo Kedorilameri, Shinaaree taatoo Amirafeli, Elasaaree taatoo Ariyookinaa Goyimee taatoo Tidaalina ikkotteꞌi Sidiimi bamboochaa boonoshin kocha qanniꞌi, kechii hammiyeete; ebi xaaꞌoo and Kiikki baharo getteebeeti xaaꞌoone.

Halloo 2:13

Guttinnee aaco, Giyooni getteehe; ebi aroo Topphiyee showoo bullin guuddiibeeti aacone.

2 Taateenaꞌo 17:24

Asooree taatoo asheenaꞌon Baablooni, Kutaahi, Awi, Hamaatinaa Sefariwayimina getteebeeti katemoochee deebiꞌi, keccii bi daammiti Israꞌeeleenaꞌochi keroon Shamaaree showeexi katemeenaꞌooch kotiihe. Boonoshiyoo Shamaaree showoon hajjiꞌi, are katemeenaꞌooch koteheete.

Asteeri 10:1

Taatoo Yekisesi showee toommo bulliich beeti asheenaꞌonaa baharee gasheexi showooch beddaahaa beeti asheenaꞌona daakkiree gibiroon boonoshi qoccemmoyich tuniihe.

Shoddo 68:22

Doono ishichii beetone: “Ne etteenaꞌon Bashaanee deebemmo taane; boonoshin baharee hoonoochee deebemmo taane.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 10:20

Aroyee gubb, Israꞌeelee cureenaꞌo, Yaaqobi yaroochee muriccitinaꞌo, boonoshin aalliiti Asooreenaꞌon gibeneyaachemminaꞌone; tunebaani Israꞌeelee Yaafoo Doono Yeerin iberoona gibenemminaꞌone.

Isiyaasi 10:9

Karikemishin no aalliyoommon Kalinoonin aalliito noone; Arifaadin no aalliyoommon Hamaatin aalliito noone; Damaasiqin no aalliyoommon Shamaarin aalliito noone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 19:22

Doono Yeeri Gibitsee showoon yexxemmone; yexiichishoo wochi wodiyemmone; boonoshiyoo Doono Yeer waan wottemminaꞌone; biyoo boonoshi qolloon waayeree boonoshin wodiyemmone.

Isiyaasi 21:2

Shattiibeeti yaaꞌoo taach bekkehe; ebiyoo beshii imonaa aalloonane. Elaamee ginee naayinaꞌote, tibote. Meedoonee ginee naayinaꞌote, katemoon giishote. Baabloonichi naboona shaggiti xuuxo bullin Yeeri aalliyemmone.

Isiyaasi 22:6

Elaamee ginee naayinaꞌo maꞌoonaa shangoonon yechiꞌi, hareshoonaa gaarinon yebbeꞌi waaheete; Qiiri showee ginee naayinaꞌoo boonoshi gaachoon qanniitinaꞌone.

Isiyaasi 24:15

Ebich, aabi-keyo waanaa Yeerin galletebote; baharee gashoonaa buure showoonoochaa Israꞌeelee Nuggishoo Doono Yeerichi shigoon oogiibote.

Isiyaasi 37:31

Yihudi yaroochee muriccii echeti curo, wochinnoon cammon dech awuremmone; aafoonoo aafemmone.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 42:12

Doono Yeerinoo oogiibeete; bi galletoonoo baharee gashoonaa buure showoonoochaa awaajjibeete.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 25:25

Zimirich, Elaaminaa Meedinochi taateenaꞌo bullich,

Erimiyaasi 31:10

“Aageteenaꞌote, Doono Yeerichi qaaroon waayebote; wohooch beeti baharee gashoonaa buure showeenaꞌonoyichoo ‘Israꞌeeleenaꞌon shaccito wochi kicemmone; qiddeenaꞌo boonoshi gijjoon boonoshi qiddoommon boonoshin qiddemmone’ getote.

Erimiyaasi 44:1

Gibitsee showooch beeti Migidool, Xafinaasinaa Memifisi katemeenaꞌooch, wotta Phaxiroosee showoochoo beeti Ayihudeenaꞌon ciinnii beetona Erimiyaasich Doono Yeeri ishichiye:

Erimiyaasi 49:23

“Damaasiqi katemeechon gonde mooyon boonoshi waayetoyich, Hamaatinaa Arifaadina geewitinaꞌone; keqqoonoo ciiretinaꞌone; shiwureebeeti baharoochoommon waagwaagiyemminaꞌone.

Hiziqeeli 27:6

Bashaanee meellee mixinaꞌoochee aachi yooppe ne madelloon shuuneheete; ne godo shuuneeto Qoophiroosee ciidee shaaqqoonane; bi guudo dangeyi gashoona shuuneetone.

Hiziqeeli 29:14

Gibitsee kecoon wochemmo taane; boonoshi shiijjeti showooch, Phaxiroos boonoshin wochemmo taane; aroochaa giidaalli taatee showoon tunemmone.

Hiziqeeli 30:14

Phaxiroosin tiishaa aalleti katemeen tuniyemmo taane; Tsoꞌaan qaaqqoon geddemmo taane; Tebeesi toommooch nallemmo taane.

Hiziqeeli 32:24

“Elaamee showee arooch beetine; dofee bi asheenaꞌoo bi maashee guudoona beetinaꞌone; showoo bullin keqqichitinaꞌo goraadoona dihitinaꞌone; dokireyaanoonoo desh qappooch kinditinaꞌone; boonoshi yeelloon shaaggiꞌi maash kindii beetinaꞌona tookkii kinditinaꞌone.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Daaneeli 1:2

Yeeri Yihudee taatoo Yoyaqiimin yaafee kexooch beeti qiiceenaꞌoochee ikkikkeenaꞌona tookkii bi kishooch beshiiꞌi immiye. Biyoo ebi qiiceenaꞌon Baabloon beeti bi nuggishoochi yaafee kexooch daammiye; qiiceenaꞌonoo bi nuggishoochi ginjabeetooch kotiihe.

Daaneeli 11:18

Aroyee gubb baharee gashooch beeti showeenaꞌon koyiree meetinaꞌon yechemmone. Tunebaani ikke ginee iraashoo biin koyi wochiree bi geecoon aalliyemmone; ebi taatoo geecoona bi tuniiti mooyo, bi toommooch bi wottemmoyich tuniyemmone.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Hosee'i 11:11

Qewebee Gibitsee kafoochoommon, Asooree showoocheenoo uggechoommon, woyemminaꞌone. Tawoo boonoshi kexooch boonoshi beeyemmoyich tuniyemmo taane” iye Doono Yeeri.

Mikiyaasi 7:12

Ittoshi asheenaꞌoo Asooree showoochee, Gibitsee, Efiraaxisee aachi guudoona beeti showoochee, wohi showooch beeti bahareenaꞌonaa guudinaꞌonoochee ittoshi waan woyemminaꞌone.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Zakaariyaasi 5:11

Biyoo taach, “Kexon biich hagga Baabloonee showoochiye boonoshi daammiibeeto. Kexo hagaa qannitoyee gubb mokkoon arooch kotiyemminaꞌone” iꞌi taach wochiye.

Zakaariyaasi 8:7

Beshe Mawe Doono Yeeri ishichiye: “Ta asheenaꞌon aabi-keyo waani showoonaa aabi-gimo waani showoonoochee biishemmo taane.

Zakaariyaasi 9:2

Ebi nalloo Hadiraaki danooch beeti Hamaati katemee toommooch, wotta ariyechi asheenaꞌochi katemeenaꞌo tuneti Xiroosinaa Sidooninochi toommoochoo kindemmone.

Roomi 11:15

Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone!

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

2 Qorontoosi 3:16

Tunebaani asho koniyoona Doono waan bi wottehooba, ebi are kaafo tiyiye.

Yibbaatoo 9:29

Ebiyeenoo wotta, ebi asheenaꞌo ooge ne giidoonaa giidechi ne mochoonon bekkiyoona Gibitsee kichaa ne deebeti, ne hajjee asheenaꞌone’ iyoye.