Isiyaasi 11:1 - Kafa Linguistics Project

¹ Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 11:1 ပူးပေါင်းရင်းမြစ်များ

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

1 Kiinoo 2:12

Boꞌaazi Obeedin shiyihe; Obeedi Iseyin shiyihe.

Shoddo 145:11

Ne taateechi oogoon yibbaatemminaꞌone; ne giideechon gettemminaꞌone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 33:15

Aroobee yemeenoonaa aroobee aaboonooch, cadiqe ato Daawitich bi atemmoyich tuniyemmo taane; biyoo showee toommooch dayinnetoona, cadiqittinoonoo nallemmone.

Hiziqeeli 17:22

“Nuggishoo Doono Yeeri ishichiye: ‘Genje yigee michi toommoochee, ta qelloona cilloon daami kotiyemmo taane. Aree cilloochee ikke nolloon haxxemmo taane; genje, ooge guudi toommooch bechemmo taane.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Maatiyoosi 1:1

Abrahamichi bushoonaa Daawitichi bushoona tuneti Yesuus Kiristoosichi shiijjee yoodo ebine:

Roomi 15:12

Wochinnoon wotta keemechi Isiyaasi, “Iseyi yaroo woyemmone; Aageteenaꞌonoo hajjiya tiyemmone; boonoshiyoo biin gibenemminaꞌone” iye.

Hibireena'o 7:14

No Doono Yesuusi Yihudi yoodoochee bi shiijjo arichetone; tunebaani Muusi qeeshoo tuneechon ebi yoodoochee bi gettiti mooyo aalloone.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 5:5

Arooba geeneenaꞌo daggoochee ikkoo taach ishichiye: “Qaye, eeppaahine. Ebiyoche, Yihudi yoodoochee tuneti daaheroo, biyoo Daawitichi colloonaa yaroona tuneto bi shixechinaꞌon kochii wochitone; ebich qoddeti macaafoon yaggoyich, shabaatte maatemeenaꞌon gaxxoyichoo beddito tuneꞌi danetone” iye.

Ruuti 4:17

Naꞌoomichi giyeenaꞌo tuneti genneenaꞌo “Naꞌoomich anaami bushoo shiijjete” iibee ebi bushoon Obeedi iꞌi shigiiheete. Obeedi Daawiti nihoo Iseyichi nihoone.

1 Saameeli 17:58

Saaꞌooliyoo biin “Gurimaashoocho, koni bushoo neene?” iꞌi echehe. Daawitiyoo “Ta, Beetilehemechi ne guuno Iseyi bushoo taane” iye.