Isiyaasi 10:9 - Kafa Linguistics Project

⁹ Karikemishin no aalliyoommon Kalinoonin aalliito noone; Arifaadin no aalliyoommon Hamaatin aalliito noone; Damaasiqin no aalliyoommon Shamaarin aalliito noone.

Isiyaasi 10:9 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

2 Saameeli 8:9

Hamaatee taatoo Tooꞌi, Daawiti Hadadezeerichi ginee naayinaꞌo bullin kochii bi wochoon waayehe.

2 Taateenaꞌo 16:9

Asooree taatoo bi qolloon waayeꞌi, Damaasiqin kochii yechiye. Areexi asheenaꞌonoo kecciꞌi, Qiiri katemooch daammiye; Sooriyee taatoo Resininoo wuxiye.

2 Taateenaꞌo 17:24

Asooree taatoo asheenaꞌon Baablooni, Kutaahi, Awi, Hamaatinaa Sefariwayimina getteebeeti katemoochee deebiꞌi, keccii bi daammiti Israꞌeeleenaꞌochi keroon Shamaaree showeexi katemeenaꞌooch kotiihe. Boonoshiyoo Shamaaree showoon hajjiꞌi, are katemeenaꞌooch koteheete.

2 Taateenaꞌo 18:34

Hamaatinaa Arifaadinochi nuggisheenaꞌo, aayeete? Sefariwayimi, Heeninaa Iwaahinochi nuggisheenaꞌo, aayeete? Shamaarin ta kishoochee wodiiteete?

2 Kiinoo 32:14

Ta qaabbechinaꞌo aalliiti, ebi taateenaꞌochi nuggisheenaꞌo bulliichee, bi asheenaꞌon ta kishoochee wodiyoon hakkiti nuggishoo aabine? Ishigaata, ittoshi nuggishoo ta kishoochee ittoshin aabichiree wodiyoon hakkehe?

2 Kiinoo 35:20

Ebi bulliyee gubb, Yosiyaasi yaafee kexoyich ebi bullin bi tuniichaa, Gibitsee taatoo Neki Efiraaxisi aachi gashooch beeti Karikemish koyooch kechiye. Yosiyaasiyoo biinna koyeya kechiye.

Isiyaasi 10:8

Ishichiinoo iye: ‘Ta ginee iraasheenaꞌo bulli taateenaꞌone;

Isiyaasi 17:1

Damaasiqichon Doono Yeer waanee getteeti wocho ebine: “Ebiyoche, Damaasiqi ebiyee bekk katemoo bi tuno echemmone; happeeree xaqqee gutoon tunemmone.

Isiyaasi 17:3

Mishigeenaꞌo Efreem waanee, taatittino Damaasiq waanee wokkemmone; Sooriyee cureenaꞌo Israꞌeeleenaꞌochoommon cooneetinaꞌon tunemminaꞌone” iye Beshe Mawe Doono Yeeri.

Isiyaasi 33:8

Gomminaꞌo shokkoon echeheete; aroona shaꞌemmi asho aallehe; wogo happeetone; katemoo hoxeetone; ashich aaxxiibeeto aallehe.

Isiyaasi 36:19

Hamaatinaa Arifaadinochi nuggisheenaꞌo aayeete? Sefariwayimi nuggisheenaꞌo aayeete? Shamaarin ta kishoochee wodiiteete?

Isiyaasi 37:11

Asooree taateenaꞌo showoo bulli toommooch amoon boonoshi tuniito gaata, aabichiꞌi asheenaꞌon ciroona boonoshi aalliito gaatoo waayeto neene. Newochi ebiichee wodenne?

Isiyaasi 37:13

Hamaati taatoo, Arifaadi taatoo, Sefariwayimi taatoo, Heeni taatoonaa Iwaahi taatoona, aayeete?’ getote” iye.

Isiyaasi 7:8

Sooriyeenaꞌochi shimbo Damaasiqine; Damaasiqi shimbo Resinine; Efreemiyoo shichaa uuche nati daggooch tiishemmone; ebiyee bekk aagetee showoo tuneyaachemmone.

Erimiyaasi 46:2

Gibitsee showeechon, Yihudee taatoo Yosiyaasichi bushoo Yoyaqiimi taateti awuddinnee natooch, Baabloonee taatoo Nabukadinatsori kochii wochiti, Efiraaxisi aachi gashooch Karikemish beeti Gibitsee taatoo Farooni Neki ginee naayinaꞌo toommooch getteeti qaaro ebine:

Erimiyaasi 49:23

“Damaasiqi katemeechon gonde mooyon boonoshi waayetoyich, Hamaatinaa Arifaadina geewitinaꞌone; keqqoonoo ciiretinaꞌone; shiwureebeeti baharoochoommon waagwaagiyemminaꞌone.

Hiziqeeli 47:16

Damaasiqinaa Hamaatinochi daggooch beeti Beerootahinaa Sibirayiminon yechiꞌi, Hawuraani gashooch beeti Hatser Hatikoon beddaahaanoo tunemmone.

Imbaaqoomi 1:10

Taateenaꞌon qallayiyeete; iraasheenaꞌonoo cooneheete. Mishigo bullin ciinniichii miicciyeete; showoon gutiꞌi are mishigechi katemoon yechiyeete.

Haddoo 34:8

Ebiyoommon wotta Hoori guudoochee Hamaati katemooch beshe kaattooch beddaahaa malletoon gedote. Aroochee ebi daaro Tsedaad beddemmone.