Isiyaasi 10:7 - Kafa Linguistics Project

⁷ “Tunebaani aroo ebin gabaanoone; bi mulloochoo ebi gaboo aalloone; biyoo giishechoon tuneyaanoon meeti aageteenaꞌon aalliyoyich gabiye.

Isiyaasi 10:7 ပူးပေါင်းရင်းမြစ်များ

Halloo 50:20

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.

Isiyaasi 10:8

Ishichiinoo iye: ‘Ta ginee iraasheenaꞌo bulli taateenaꞌone;

Isiyaasi 23:13

Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.

Isiyaasi 37:19

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

Hiziqeeli 29:20

Biinnaa bi ginee naayinaꞌona taach boonoshi shuunetoyich, boonoshi maddetoyichoo Gibitsee showoon biich gaaco tuniyaꞌa immeto taane; Nuggishoo Doono Yeeri ta ebin getteto taane.

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Naahoomi 1:11

Hini Nanawi asheenaꞌote, Doono Yeeri toommooch koceebeeto, gondoon boyeebeetoo, ittoshi daggoochee kechemmone.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.