Isiyaasi 10:6 - Kafa Linguistics Project

⁶ Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 10:6 ပူးပေါင်းရင်းမြစ်များ

2 Saameeli 22:43

Boonoshin yiikkaꞌa quttoon tuniihoye; gommooch beeti dengoochoommon, boonoshin kotoye.

2 Taateenaꞌo 18:25

And iberoochaa Doono Yeeri daaggaanoon hini showoon aalliiya waaton neech shaahaa beetote? Doono Yeeri taan, damba keyiree ebi showoon koyi ta aalliyemmoyich gettitone’ itone” iye.

Isiyaasi 19:17

Yihudee showoo Gibitseenaꞌon keqqichemmone; Beshe Mawe Doono Yeeri Gibitseenaꞌo toommooch tuniiya bi gabitoochee tiyitona Yihudichon waayemmo bulli shattemmone.

Isiyaasi 22:5

Hini, Beshe Mawe Nuggishoo Doono Yeeri, Yaaꞌee Bamboochaa keqqoon, neecheyoonaa dulloonon bi deebiti aaboone. No katemee xaqqee uxeroo happeeyee aabo, guudo waan cookee aaboone.

Isiyaasi 24:5

Asheenaꞌo Yeerichi sheeroon boonoshi shaaddetoyich, bi qociyoon boonoshi sheeꞌitoyich, bulli aabee wogoon boonoshi happitoyich, showoon wooriitinaꞌone.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Isiyaasi 32:6

Yeexeroo yeexeree yibbaatoon yibbaatehe; bi mullo gondoon gabiye; Yeeri aalli mooyon tuniihe; Doono Yeerichon koote mooyon yibbaatehe; shaacetoyich maanjaache; shachewetoyichoo uchaache.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Isiyaasi 41:25

“Dambi-waanee ikkoon tiijjiyoye; biyoo waatone; aabi-keyoochee woyemmo ta shigoon ceeggemmo biine; nuuqqee achecho nuuqqoon bi neexoommon, biyoo ukkireenaꞌon neexxemmone.

Isiyaasi 49:17

Ne bushiisheenaꞌo kaateree wottemminaꞌone; neen happitinaꞌo ne waanee woce aallemminaꞌone.

Isiyaasi 49:25

Doono Yeeri ishichiye: “Neenna koyee beetinaꞌona koyemmo, ne bushiisheenaꞌonoo wodiyemmo ta tunetoyich, bokketi qiico giidecho kishoochee deqqeyemmone; keccetinaꞌoo, maacmanjoo kishoochee dichaa wottemminaꞌone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 5:29

Boonoshi qaaro daaheroochoommone; more daaheroochoommon ciddiyeete; boonoshi yechiton guruuxiibee daammiyeete; boonoshi kishoochee dihiyemmo aalloone.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Isiyaasi 63:3

“Ta ikkeeto baach oppoochaa woyinoon neexxoye; ashoochee koniyoona taanna tookkii aalloone; ta kaaroona boonoshin neexxoye; ta naxoona boonoshin yiikkehoye; boonoshi damoo ta tahooch wuceehe; ta taho bullinoo wooriihoye.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Isiyaasi 7:17

Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 3:10

Ebi bulli tunetaanoona koote bi manee Yihudi, kootoonalli bi ceeni mulloona ta waan wotteyaaneene” iye Doono Yeeri.

Erimiyaasi 34:22

Andoo boonoshich gettemmo taane; hini katemoochoo wochi boonoshin deebemmo taane; ebi katemoon kocheminaꞌone; yechemminaꞌone; qaaqqoonoo michemminaꞌone; Yihudee katemeenaꞌon ashaalli shokkoon tuniyemmo taane” iye Doono Yeeri.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Hiziqeeli 29:20

Biinnaa bi ginee naayinaꞌona taach boonoshi shuunetoyich, boonoshi maddetoyichoo Gibitsee showoon biich gaaco tuniyaꞌa immeto taane; Nuggishoo Doono Yeeri ta ebin getteto taane.

Hiziqeeli 38:12

Keccemmo taane; boggemmo taane; aageteenaꞌo daggoochee waati, and asho koteti shokkaache showeexinaꞌochi toommooch, gijjeenaꞌonaa qiiceenaꞌona boonoshich beeti, showee gutte daggooch koteti asheenaꞌochi toommooch ta kishoon yaggemmo taane” gettemmo neene.

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.

Mikiyaasi 7:10

“Ne Nuggishoo Doono Yeeri aaye?” iti ta etteenaꞌoo beeggemminaꞌone; oogichishoo yeellemminaꞌone. Gommeexi dengo koteeyoommon boonoshi kotee beetaa, tawoo ta aafoona beeggemmo taane.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Maatiyoosi 15:7

Hini ittoshi maacoon xalloo shaahii beetinaꞌote! Isiyaasi ittoshichon ishichitone: ‘Hini asheenaꞌo boonoshi noonoona taan oogii beetinaꞌone; tunetaa boonoshi mullo ta waanee oogeton wohone; ashi doyoon Yeerichi qaaro tuniiꞌi dojjiibee, duuboon taach goyinneheete’ iꞌi bi keemmito iberooniye” iye.