Isiyaasi 10:5 - Kafa Linguistics Project

⁵ Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 10:5 ပူးပေါင်းရင်းမြစ်များ

Halloo 10:11

Aroochee tiyii Asooree showooch hammiꞌi, Nanawin, Rehoboot Iirinaa Kalaahinon,

2 Taateenaꞌo 18:25

And iberoochaa Doono Yeeri daaggaanoon hini showoon aalliiya waaton neech shaahaa beetote? Doono Yeeri taan, damba keyiree ebi showoon koyi ta aalliyemmoyich gettitone’ itone” iye.

2 Taateenaꞌo 19:25

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Shoddo 125:3

Cadiqeenaꞌo gondeenaꞌochi gommon boonoshi doyaachemmoyich, gondeenaꞌo cadiqeenaꞌo showooch ukkireyaachemminaꞌone.

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Isiyaasi 10:15

Qofiyo, biinna qecceebeeti ashi toommooch geecii beete? Magaazo, biinna maacciibeeto toommooch ciixee beete? Ebin tuniyoo, gumbo biin gumbee beeton yeshi shuurikkiya, yaaboo ashoon kaama tiijjiya qiiccoommone.

Isiyaasi 10:25

Ittoshi toommooch ta kaareti kaaro giisheche aaboyee gubb neexemmone; ta kaaro boonoshi waan guudiree, boonoshin aalliyemmone” iye.

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 14:24

Beshe Mawe Doono Yeeri ishichii wogetone: “Ta gabitoommon tunemmone; ta maaccetoommonoo shuunooch heechemmone.

Isiyaasi 14:25

Asoorin ta showee toommoochaa aalliyemmo taane; ta guudi toommoochaanoo neexi kotemmo taane; bi waanjoo ta asheenaꞌo toommoochee tiyemmone; bi shaagoo boonoshi gogoochee kindemmone” iye.

Isiyaasi 23:13

Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.

Isiyaasi 26:20

Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 30:27

Ebiyoche, Doono Yeeri qaaqqoo aaxxoommon aaxxeebeeti kaaroona, kaama tuqiibeeti cufoona, wohoochee waa beetone; bi kookkooch kaaro ceennitone; bi heciyoo michiibeeti qaaqqoommone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Isiyaasi 7:17

Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.

Isiyaasi 7:20

Aroobee yemeenooch Doono Yeeri aacoyee beqachee bi kiraayiti appoona, ebiyoo Asooree taatoona, ittoshi qelli eexonaa ittoshi baateexi eexonon, ittoshi ishaanoonoo caggemmone.

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Isiyaasi 8:7

Doono ta, Asooree taatoon giidechi bi ginee naayinaꞌona tookki boonoshi toommooch deebemmo taane; Efiraaxisi aaco ceenniꞌi bi gaagemoon capphii ufoommon, ufebee woyemmone;

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 7:10

“Ebiyoche deco! Israꞌeeli aallee aabo shaggitone; xuꞌoonaa hukkoona woddetone; geecoo diccii oogetone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Naahoomi 1:1

Nanawi katemeechon Doono Yeer waanee getteeti wocho ebine. Yeeri Eliqooshi gafee asho tuneti Naahoomi ebi mooyon yaaꞌoona bi beeggemmoyich tuniitaa, biyoo ebi aroon hini macaafooch kooritone.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Sofoniyaasi 2:13

Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.