Isiyaasi 10:3 - Kafa Linguistics Project

³ Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Isiyaasi 10:3 ပူးပေါင်းရင်းမြစ်များ

Halloo 31:1

Aroyee gubb Labaanichi anaami bushiisheenaꞌo “Yaaqobi no nihoo gijjoo bullin biich tuniitone. Ebi bi kiciti gaanno bulli no nihoochone” ii boonoshi yibbaatoon Yaaqobi waayehe.

2 Taateenaꞌo 7:15

Ebich boonoshiyoo Yoordaanoosi aacooch beddaahaa hammiyeete. Ebiyoche, Sooriyeenaꞌo woceebee, boonoshi holliiti tahoonaa qiicoona gommo bulliich ceenniꞌi beehe. Wocheyechinaꞌo wotteꞌi, ebin taatoyich gettiyeete.

Iyoobi 31:14

Yeeri ta toommooch nalliya bi waahooba, ama gettehote? Taan bi echehooba, ama getiree biich wochehote?

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 17:4

“Arooba Yaaqobichi oogo giishemmone; bi aangoo muujjemmone;

Isiyaasi 20:6

Arooba are baharee gashooch beeti asheenaꞌo, ishichemminaꞌone: ‘Asooree taatoo kishoochee noon boonoshi wodiyemmoyich gibenaꞌa, boonoshi waan no giddetinaꞌo, amoon boonoshi tuneto gaata beegote; nowochi aabichireeshiye no muriccemmo?’ gettemminaꞌone” iye.

Isiyaasi 26:14

Areenaꞌo qititinaꞌone; wotteree kashoona beetaachemminaꞌone; aalletinaꞌone; guttinnoon tiyaachemminaꞌone; boonoshin naxaꞌa aalliito neene; boonoshi shalligichoon hidaa aalliito neene.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 28:20

Ebiyoo, “Bi baatoon carete bi tokketeyaachemmoyich qeeno qaminniye; bi qeddoon bi qeraachemmoyich taho guutiye” getteetoommon ittoshich tunemmone.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 30:5

boonoshin yeellii, cooniyemminaꞌone; boonoshich gaaconaa boonoshin gaachoonon hakkaani asheenaꞌo waan hamo boonoshi bullichona yeelloone” iye.

Isiyaasi 30:7

Gibitsichi gaacho gaacaalloonaa duuboonane; ebich Gibitsin Xuppattaalli Dingero iyaꞌa shigiito taane” iye.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Isiyaasi 39:3

Ebiyooba keemechi Isiyaasi taatoo Hiziqiyaas waan waaꞌi, “Ebi asheenaꞌo waato, amoocheeniye? Neech boonoshi gettito, amooniye?” iꞌi echehe. Hiziqiyaasiyoo “Boonoshi waato, wohi showoochee, Baablooneeniye” iꞌi wochiye.

Isiyaasi 5:14

Ebich maasho bi maacoon gamichii, haawutteꞌi boonoshin quyee beetone; Yerusaalemi ogoogeenaꞌonaa sharaareenaꞌonon aroochaa dullii cangechee beetinaꞌona tookki qooxxemmone.

Isiyaasi 5:26

Doono Yeeri wohooch beeti aageteenaꞌon bi ceeggemmi malletoon neechemmone; showee tuggoochee shennoona ceeggemmone; boonoshiyoo daappibee afaafinoona woyemminaꞌone;

Erimiyaasi 22:7

Ginee qiicoon yechiti bokkeenaꞌon ne toommooch deejjemmo taane; macecikkiti ne yigee mixinaꞌon kuxxemminaꞌone; qaaqqoochoo duppemminaꞌone.

Erimiyaasi 4:30

Hini aallooch beddeti Yerusaaleme! Amooniye ne tunaabeeto? Ceelle tahoon ne taho, aachee tahoona ne cocoo, ne aafooch huutoon ne huuto, ne achoonoo ne shiimo duuboone. Ne shunechinaꞌo neen hoxetinaꞌone; ne kashoonoo qaawii beetinaꞌone.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 9:9

Ebi mooyoyich boonoshin nax bedaachote? Ebiyoommi asheenaꞌo toommooch ta, ta qelloona nichoon kichiya bedaachote?” iye Doono Yeeri.

Hosee'i 5:13

“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.

Hosee'i 9:5

Boonoshi nati baarooba, Doono Yeerichi baarooba boonoshi tuniyemmo amooniye?

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Amootsi 5:19

Ebi aabooba, daaheroo kishoochee muriccii hammiꞌi diiboona daneti woyee muriccii kexooch giyiꞌi bi kishoon daabbooch bi kotiitee dingero kochiti ashoommon tunemmo ittoshine.

Mikiyaasi 7:4

Boonoshi daggoochee gaaweto getteeto guccinoommone; beshe deꞌo getteetoo angichi tushoommone. Quyechinaꞌo tuneti keemechinaꞌona boonoshich bi gettitoommon Yeeri ebi asheenaꞌon bi naxemmi aabo shaggitone. Andolla shaammii beetinaꞌone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.