Isiyaasi 10:26 - Kafa Linguistics Project

²⁶ Beshe Mawe Doono Yeeri Oreebi xaqqoochaa Miidiyameenaꞌon bi yexoommon, yaraafoon tiijjiree Asooreenaꞌon yexxemmone; Gibitsaa bi tuniitoommon, aachi toommooch bi gumboon tiijjemmone.

Isiyaasi 10:26 ပူးပေါင်းရင်းမြစ်များ

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Shoddo 35:23

Ta Nuggishoo ta Doonocho, tiyiree ta taggoon taggebe; tiyiree ta mooyon nallibe.

Shoddo 83:11

Oreebinaa Zeebinochi toommooch ne tuniitoommon boonoshi ukkireenaꞌo toommooch tuniibe. Zebaahinaa Tsalmuninochi toommooch ne tuniitoommon, boonoshi iraasheenaꞌo toommooch tuniibe.

Keyo 14:16

Aaco gutte beera qoodeyemmoyich, ne gumboon kaama tiijjiree baharee toommooch yaggibe. Israꞌeeleenaꞌoo baharee daggeexi shuuꞌi showoona kimmemminaꞌone.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 30:31

Doono Yeerichi qaaro Asooreenaꞌon keqqichemmone; biyoo boonoshin gumboona yexxemmone.

Isiyaasi 30:32

Doono Yeeri Asooreenaꞌon bi yexximmi haddoona Doono Yeer asheenaꞌo kamboonaa ximboonochi qaaroon waayiiheete; biyoo koyechi bi mochoon tiijjiree boonoshin kochemmone.

Isiyaasi 9:3

Ne aageteenaꞌo meettemmoyich tuniito neene; emiroonoo boonoshich daakkihine. Asho maayoon bi qeciyooba, kecoonoo bi qoodehooba, bi emiroommon, ne aafoochaa emiremminaꞌone.

Isiyaasi 9:4

Miidiyameenaꞌo koyaa wottehooba bi tunetoommon, boonoshin maggeti waanjoon, boonoshi gogooch kindiibeeti gumboon, boonoshin xuuxiyechochi yaaboon, tiicheto neene.

Yaaꞌoo 11:18

Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Woraaferasheenaꞌo 7:25

Gutte Miidiyamee iraasheenaꞌo Oreebinaa Zeebinon yechiyeete. Boonoshiyoo Oreebin Oreebichi xaqqoochaa, Zeebinoo Zeebichi woyinee hiicci oppoochaa wuxiyeete. Aroochee Miidiyameenaꞌon yookkii dabbiibee Oreebinaa Zeebinochi qelloon Yoordaanoosi aachee beqach beeti Geediyoonich deebiyeete.