Isiyaasi 10:20 - Kafa Linguistics Project

²⁰ Aroyee gubb, Israꞌeelee cureenaꞌo, Yaaqobi yaroochee muriccitinaꞌo, boonoshin aalliiti Asooreenaꞌon gibeneyaachemminaꞌone; tunebaani Israꞌeelee Yaafoo Doono Yeerin iberoona gibenemminaꞌone.

Isiyaasi 10:20 ပူးပေါင်းရင်းမြစ်များ

2 Taateenaꞌo 16:7

Ebina Akaazi ishichiꞌi wocheyechinaꞌon Asooree taatoo Tigilaat Fileseer waan daachiihe: “Ta, ne guuno, wottoo ne bushoo taane. Taan kochiibeeti Sooriyee taatoo kishoonaa Israꞌeelee taatoo kishoonoochee waaree taan wodiibe” iye.

2 Taateenaꞌo 19:31

Yerusaalemee echetinaꞌo, Tsiyooni guudoochee muriccitinaꞌo kechemminaꞌone. Doono Yeeri bi qanaatoona ebin tuniyoyich maaccitone.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 28:16

Edoomee asheenaꞌo wochinnoon Yihudee showoon kochiꞌi asheenaꞌon keccii boonoshi daammitoyich, ebiyooba taatoo Akaazi gaachoon qaawiꞌi, Asooree taatoo waan wochoon daachiihe.

2 Kiinoo 28:20

Asooree taatoo Tigilaat Fileseeri bi waan waaꞌi biin xuuxiihalli, biin gaacheyaanoone.

Iziri 9:14

Illa ne getoon wochinnoon shaadde gubb wotteree, ebi eeꞌe shuunoon shuuneebeeti aageteenaꞌona tookki shaageebona? Newochi nooch curo echeyaachemmoyich, woyee ikkoona muricaachemmon tuniiree, ciroona noon ne aalliimmi wottoon, noon kaaro qajjenne?

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 37:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naagoon Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Isiyaasi 46:3

“Yaaqobichi yareenaꞌote, bulli Israꞌeelee cureenaꞌote, ittoshi shiijjoochee tiijjaꞌa ta tiqqetinaꞌote, ittoshi indee maacoochee tiijjaꞌa ta miꞌetinaꞌote, ta waanee waayebote.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 3:23

Guudinaꞌonaa geppeenaꞌonoochaa shahalloyich goyinneebee no dulloona dacheeto noone. Israꞌeeleenaꞌoyich wodoo danemmo no Nuggishoo Doono Yeer waanee baachiye.

Erimiyaasi 44:14

Gibitsee showooch kotoyich hammiti, Yihudee cureenaꞌoochee muriccemmo woyee wodemmo, boonoshi qaatiibeeti Yihudee showooch kotoyich wottemmo, koniyoona aalloone; yookketi giishecheenaꞌoyee besh koniyoona muricaachemmone” iye.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Hosee'i 5:13

“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.