Isiyaasi 10:16 - Kafa Linguistics Project

¹⁶ Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 10:16 ပူးပေါင်းရင်းမြစ်များ

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

Shoddo 106:15

Boonoshi echeton boonoshich immiye; tunebaani maajjiibeeti biiyoon boonoshi daggooch deejjiye.

Shoddo 78:31

Yeeri kaaro boonoshi toommooch kindiye; boonoshi daggoochee giidechinaꞌon wuxiye; gaawi gaawe Israꞌeelee gurimaasheenaꞌon ciichiye.

Isiyaasi 10:18

Asho biiyoona maajjiibee qitoommon, gaaweti shaareenaꞌonaa qeemi showeenaꞌona ciroona aallemminaꞌone.

Isiyaasi 17:4

“Arooba Yaaqobichi oogo giishemmone; bi aangoo muujjemmone;

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 31:9

Boonoshi mishigo keqqoona dihemmone; boonoshi ginee iraasheenaꞌo baanderoon beegiichi keqqoona aallemminaꞌone” iye bi qaaqqoo Tsiyoon, bi qaaqqee sheelloo Yerusaalem beeti Doono Yeeri.

Isiyaasi 37:29

Ta toommooch ne nagixoonaa ne geecoona ta waamooch bi giyitoyich, ne muddooch tuutoon, ne kookkooch lugaamoon gediree, ne waati boochoona neen wochemmo taane’ itone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Isiyaasi 5:17

Ebi arooba, bagee bushiisheenaꞌo kexo happeeti xaaꞌoochaa mocoon maayemminaꞌone; bagee baaddeenaꞌonaa emmishee bushiisheenaꞌona ebi aroochaa mocoon maayemminaꞌone.

Isiyaasi 8:7

Doono ta, Asooree taatoon giidechi bi ginee naayinaꞌona tookki boonoshi toommooch deebemmo taane; Efiraaxisi aaco ceenniꞌi bi gaagemoon capphii ufoommon, ufebee woyemmone;

Isiyaasi 9:4

Miidiyameenaꞌo koyaa wottehooba bi tunetoommon, boonoshin maggeti waanjoon, boonoshi gogooch kindiibeeti gumboon, boonoshin xuuxiyechochi yaaboon, tiicheto neene.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Erimiyaasi 21:14

Ne shuuni shuunoommon neen sheeremmo taane; ne shaaroochoo qaaqqoon tuchemmo taane; ebi qaaqqoo bi guudoona beeto bullin maayemmone itone’ gete” iye.

Erimiyaasi 48:14

“Ittoshi aabichiꞌi, ‘Hakkecho noone; koyoochaanoo giidecho noone’ iyote?

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Naahoomi 1:12

Doono Yeeri bi asheenaꞌoyich ishichiye: “Asooreenaꞌo dofeenaꞌonaa giidechinaꞌona boonoshi tunetaanoona, wuxaa aallemminaꞌone. Ta asheenaꞌote, ittoshin woddoo duꞌiito taane; illa ebiyee damba ittoshin duꞌiyaachemmo taane.

Sofoniyaasi 2:13

Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Zakaariyaasi 7:4

Aroochee Beshe Mawe Doono Yeeri taach ishichiye:

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.