Isiyaasi 10:12 - Kafa Linguistics Project

¹² Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 10:12 ပူးပေါင်းရင်းမြစ်များ

2 Taateenaꞌo 19:31

Yerusaalemee echetinaꞌo, Tsiyooni guudoochee muriccitinaꞌo kechemminaꞌone. Doono Yeeri bi qanaatoona ebin tuniyoyich maaccitone.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shoddo 21:10

Boonoshi shiijjeroon showee toommoochee, boonoshi yaroon ashi bushiisheenaꞌo daggoochee, aalliyemmo neene.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Shoddo 76:5

Beelle ginee naayinaꞌo boonoshi kiciton bokkeheete; qitee tokketoon tokketeheete; ginee anaamo bulliichee, bi kishoon tiijjoo hakkito aalloone.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 27:7

Israꞌeeleenaꞌon bi yexxito, boonoshin yexxitinaꞌon bi yexoommoniye? Boonoshin guuritinaꞌo guureyoommon guureeteete?

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 29:14

Ebich hini asheenaꞌo daggooch worganikkiti gaakkechi mooyon wochinnoon tuniyemmo taane; ariyechinaꞌo ariyoo aallemmone; shalligechinaꞌochi shalligoo dooggemmone” iye.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Isiyaasi 37:29

Ta toommooch ne nagixoonaa ne geecoona ta waamooch bi giyitoyich, ne muddooch tuutoon, ne kookkooch lugaamoon gediree, ne waati boochoona neen wochemmo taane’ itone.

Isiyaasi 5:15

Asho cooneyemmone; asheenaꞌo giishemminaꞌone; geecechochi qillifoo niremmone.

Isiyaasi 50:11

Qaaqqoon shookkiꞌi conjiibeeti ceechoon yechitinaꞌote, ebi ittoshi shookkiti qaaqqee bekkoona ittoshi ceechiti qaaqqee conjoona, shaꞌebote. Ta kishoochee ittoshi deqqemmi mooyo beetone; qaakkeree yangeyemmo ittoshine.

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Isiyaasi 9:9

Israꞌeelee asheenaꞌo bullinaa Shamaara beetinaꞌo bullina ebin ariyemminaꞌone; geecechinaꞌonaa babbereenaꞌona boonoshi tunetoyich ishichemminaꞌone:

Erimiyaasi 25:29

Gonde mooyon shiichi ta shigoona ceekketi katemooch tuniyemmo taane; ishigaata naxoochee echehote? Showee toommooch beetinaꞌo bulli toommooch goraadoon deebemmo ta tunetoyich, naxeyaanoon echeyaachemmo ittoshine’ iye Beshe Mawe Doono Yeeri.

Erimiyaasi 50:18

Ebich Israꞌeelee Nuggishoo Beshe Mawe Doono Yeeri ishichiye: “Asooree taatoon ta naxoommon Baabloonee taatoonaa bi showoonon naxemmo taane.

Erimiyaasi 50:32

Geececho tepheeree dihemmone; biin tiijjemmo aalloone; bi katemeenaꞌooch qaaqqoon tuchemmo taane; ebi qaaqqoo bi guudoona beeto bullin maayemmone” iye.

Hiziqeeli 31:10

“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich,

Hiziqeeli 31:14

Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Maatiyoosi 12:33

Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Yibbaatoo 32:27

tunebaani ittoshi etteenaꞌo geecaachemmoyich, “Boonoshin kochaa wochito noani; ebin tuniito Doono Yeeri toonoone” boonoshi getaachemmoyich, ittoshi etteenaꞌochi mooyon shattoye’ iye.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?