Isiyaasi 10:1 - Kafa Linguistics Project

^1-2 Girechon aalloo (gooroo) mucciyoyich, iritechi ta asheenaꞌochi nalloon shappayoyich, xuumeenaꞌonaa nihaalleenaꞌonon bogoyich, dabe dayinnetee sheeroon kichii beetinaꞌoyich, xuꞌoona ceenniti qociyoon kichii beetinaꞌoyich woowo!

Isiyaasi 10:1 ပူးပေါင်းရင်းမြစ်များ

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

Shoddo 58:2

Ariyaachote; ittoshi mulloona gonde mooyon gabiyote; ittoshi kishoona xuꞌoon showee toommooch tuniihote.

Keyo 23:3

Nalloochaa girechoyich dabiiree nalliyaahine.

Keyo 23:6

“Nallee gabberoochaa dayinnetoon dabiiree, girecho mooyon xummiyaahine.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:18

Axaaxoon dachee woderoona, xuꞌoonoo gaari woderoona geechii beetinaꞌoyich woowo!

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Isiyaasi 5:8

Bareenaꞌoyich beeyi xaaꞌoo aallemmi wottoon, ittoshi baach showee toommooch kotemmi wottoon, kechi toommooch kexon, showee toommoochoo showoon daakkii beetinaꞌote, ittoshich woowo!

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Erimiyaasi 22:13

“Bi kexon xuꞌoona, kechi toommeexi bi kexonoo hukkoona, haggii beetoyich, biinoommi bi manoon duuboon shuunii beetoyich, bi aayi gatiyoonoo biich qocaanoyich,

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.

Imbaaqoomi 2:12

Ashoon xuꞌonaa damoon ukkoona katemoon shuuneebeeti ittoshich woowo!

Imbaaqoomi 2:15

Boonoshi achoon beegoyich, ittoshi giyeenaꞌo kaaree shiixxee xoofoochee woyinee uyoon uyiree mashemmoyich tuniibeeti ittoshich woowo!

Imbaaqoomi 2:19

Mixoochee shuuneeti mooyon tibe, miime xaqqoonoo kaamebe, ii beeti ittoshich woowo! Ebi aroo ittoshich yaaꞌoon bekkiyoon hakkehe? Bi achoo aachoonaa birewoona dikkeeto bi tunetaanoona, kashaalli mooyone.

Imbaaqoomi 2:6

Boonoshi kochii yechiti asheenaꞌo ebi asheenaꞌon cooqqiri, hoxe qallayibee ishichemminaꞌone: “Ittoshicho tuneyaanoon gutiibeeti ittoshich, woowo! Yechiyoo icheti qiicoona ittoshi gaanne beeyemmo, aati wottooniye?” gettemminaꞌone.

Imbaaqoomi 2:9

Boggii ittoshi deqqiti mooyona ittoshi kexon gaanniiti, gonde mooyo ittoshi toommooch bi shagaachemmoyich, manje kexinaꞌon haggiti, ittoshich woowo!

Maatiyoosi 11:21

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tulloon boonoshi toommooch shahiree, axaaxee gommoochee Yeer waan wotteshinaꞌone.

Maatiyoosi 23:23

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Kefoo, aaꞌaafoonaa kamuunonoochee asraatoon Yeerich kichiyote; tunebaani sheeree daggooch beeti beshe mooyon qajjitote; ebiyoo tachii nalloo, ashich ariqqeꞌi maaroonaa gibeneeto tunoonane. Are Yeerich ittoshi kichii beeton qayaanoon, eboshinoo wotta tuniiya bedo ittoshine.

Maatiyoosi 23:27

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Maachi maashee toommooch hagaa booroona dikkeeꞌi boonoshi malletetaanona, boonoshi maacooch qititi asheenaꞌochi shaawushoonaa eeꞌe mooyona ceenniti maashee toommeexi kexinaꞌon shaahoo ittoshine.

Maatiyoosi 23:29

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Keemechinaꞌo duukketi maashee toommooch kexon haggiyote; cadiqeenaꞌochi haawulitoonoo malletiihote.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Luqaasi 11:52

“Hini Muusichi Sheeree dojjechinaꞌote, ariyee kelloon qechiibeeti qulfoon ashich aachito ittoshine; ittoshiyoo giyaano ittoshine; giya qaawii beetinaꞌoyichoo bajjito ittoshine. Ebich ittoshich woowo!” iye.

Yowannisi 19:6

Qeeshee ukkireenaꞌonaa yaafee kechi kellechinaꞌona beeggiꞌi, “Yoode! Yoode!” iibee cookeeheete. Phelaaxoosiyoo “Ittoshi daamiree yoodote; bi toommooch ta nallemmi amee gondoonona daneyaano taane” iye.

Yowannisi 9:22

Biin shiyitinaꞌo ishichito, Ayihudee ukkireenaꞌon boonoshi shattitoyichiye. Ebiyoo Ayihudee ukkireenaꞌo “Yesuusi aroo Kiristoosine” iꞌi miixemmo bi danegaata, aroon Ayihudeenaꞌo kiceebeeti kexoochee boonoshi yookkemmoyich echee boonoshi itoyichiye.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.