Isiyaasi 1:7 - Kafa Linguistics Project

⁷ Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 1:7 ပူးပေါင်းရင်းမြစ်များ

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Shoddo 107:39

Xuuxoona, iritoonaa ayinoona giishee boonoshi cooneehooba,

Shoddo 109:11

Biich beeto bullin hiishecho deꞌe; bi aayo bullin dallaaweenaꞌo bogeete.

Isiyaasi 1:8

Tsiyooni maache bushee baach woyinee budooch beeti yambaaroochoommon, buqqee budooch beeti bashoochoommon (yambaaroochoommon), giicheti katemoommonoo shaahaa echetine.

Isiyaasi 3:8

Yerusaalemi tattellaa beetine; Yihudee showoo tiishee beetone; ebiyoo asheenaꞌochi yibbaatoo tuneba boonoshi shuunoo Doono Yeerin ippiibeeto bi tunetoyichiye; bi oogoonoo qallayitinaꞌone.

Isiyaasi 34:9

Edoomee showeexi aacinaꞌo reenjoon tunemminaꞌone; showoo waagera shaddeyemmone; showoo bulliichoo qaaqqoo aaxxemmone.

Isiyaasi 49:19

“Iberoochaa happeyaꞌa ashaalli shokkoon ne echetaa, qoccqoccimii tiishetin ne tunetaanoona, arooch beeyemminaꞌoyich xebbemmi neene; neen qooxxitinaꞌo ne waanee wokkemminaꞌone.

Isiyaasi 5:17

Ebi arooba, bagee bushiisheenaꞌo kexo happeeti xaaꞌoochaa mocoon maayemminaꞌone; bagee baaddeenaꞌonaa emmishee bushiisheenaꞌona ebi aroochaa mocoon maayemminaꞌone.

Isiyaasi 5:9

Beshe Mawe Doono Yeeri, ta waamo waayee beetaa ishichiꞌi wogetone: “Iberoochaa meeti kexinaꞌo onoo tunemminaꞌone; macecikkiti ogooge kexinaꞌo ashaalleenaꞌo tunemminaꞌone.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Isiyaasi 64:10

Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Isiyaasi 9:18

Gonde shuunoo, guccinonaa angixonon michiibeeti qaaqqoommone; manje shaaroo micaa tuqii kaama kechiibeeti cufoommone.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Erimiyaasi 2:15

Daahereenaꞌo bi toommooch gigeheete; qaaroon oogichiꞌi gigeheete; bi showoonoo shokko echiiheete; bi katemeenaꞌoo micciꞌi ashaalli onoo tuneheete.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Erimiyaasi 6:8

Yerusaaleme, neyee ta baraachemmoyich, neen shokkaache onoon ta tuniyaachemmoyich, ta gettaa beeton manjii waayebe” iye.

Erimiyaasi 7:34

Showoo shokkoon echemmo bi tunetoyich, Yihudee katemeenaꞌonaa Yerusaalemi addibaaboonoochee ililee qaaroon, emiree qaaroon, woꞌeechi qaaroonaa woꞌee kenoochi qaaroonon aalliyemmo taane” iye.

Shoosho 5:2

No iristo bare showee asheenaꞌoyich, no kexo dallaaweenaꞌoyich tunehe.

Hiziqeeli 25:4

ebich aabi-keyo waani asheenaꞌoyich ittoshi hajjeyemmoyich, ittoshin beshiiree immemmo taane; boonoshiyoo ittoshi daggooch kotemminaꞌone; boonoshi beeyi xaaꞌoon ittoshi daggooch tuniyemminaꞌone; ittoshi michi aafoon maayemminaꞌone; ittoshi ejjoon uchemminaꞌone.

Hiziqeeli 30:12

Abbaayi aacon takkemmo taane; showoonoo gonde asheenaꞌoyich hajjiyemmo taane; ashi showee asheenaꞌochi kishoona showoonaa bi daggooch beeto bullinon aalliyemmo taane; Doono Yeeri ta, ebin getteto taane.

Hosee'i 7:9

Dallaaweenaꞌo bi giidoon maaheete. Biyoo ebin ariyaanoone; bi qelloo bukkehe; tunebaani bi ebin shalligaanoone.

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Leweenaꞌo 26:34

Aroochee ittoshi etteenaꞌo showooch ittoshi tunehoobinaa showoo ashaalli xafoon bi tunehoobina, ebiyooba showoo shambetee kashee natooba kashemmone.

Mikiyaasi 5:11

Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane;

Mikiyaasi 6:13

Illa ebi ittoshi axaaxee naboona ittoshin naxoonaa aalliyonoyich tiyeto taane.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 28:43

“Ne showooch koteti shiqqoo beshi beshi hammemmone; tunebaani ne giishe gittemmo neene.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.