Isiyaasi 1:5 - Kafa Linguistics Project

⁵ Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 1:5 ပူးပေါင်းရင်းမြစ်များ

2 Taateenaꞌo 1:13

Taatoo wochinnoon bi waan keejjinnoochaa aache ginee iraashoon aache bi ginee naayinaꞌona tookkii daachiihe. Keejjinneexi aache ginee iraashoo damba hammiꞌi, Eliyaasi aafooch bi gutenoona dihiichii, “Yeer ashoocho, ta kasheenaa hini aache ne guuninaꞌochi kasheena ne aafoochaa gidoon bi danemmoyich neen qollehoye.

2 Kiinoo 28:22

Taatoo Akaazi bi xuuxehooba, aafichoyee beshoon Doono Yeerich gibeneyoon qajjiye.

Nehimi 9:34

No taateenaꞌo, no ogoogeenaꞌo, nooch maddeebeeti ne qeesheenaꞌonaa no qaabbechinaꞌona ne sheeroon quyeyaaneenaꞌone; ne geteenaꞌonaa ne meeqqeqqeenaꞌonon waayeyaaneenaꞌone.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 31:6

“Israꞌeeleenaꞌote, kupphiiꞌi ittoshi hukketi ta waan wottebote.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Isiyaasi 9:21

Minaasi Efreemin, Efreemiyoo Minaasin maayemmone; Yihudi toommoochoo ikkittinoona tiyemminaꞌone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 13:23

Iberoochaa Topphiyee asho bi malletoon, maahoo bi shashoon shaddoon hakkehe? Ebi tuno hakkeegaata, gondoon shuuno doyiti ittoshi, gaawe mooyon tuniyoon hakkemmo ittoshine.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 44:15

Boonoshi mecheenaꞌo bare nuggisheenaꞌoyich ixaanoon shoohon ariibeeti doonjeenaꞌo bulli, arooch neexeti maacheenaꞌo bulli, Gibitsee showooch beeti Phaxiroos koteti Israꞌeeleenaꞌooch beddaahaa ooge kicoo tuneꞌi, Erimiyaasich ishichiyeete:

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Erimiyaasi 9:3

“Kootoon kootoyich boonoshi heciyoon maꞌoochoommon ciixxiyeete; iberoo tuneyaanoon kooto showee toommooch taatehe; gondee gondee qeyiyeete; taanoo ariyaaneenaꞌone iye” Doono Yeeri.

Shoosho 5:17

No mullo biiyetone; no aafo doojjitone.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.