Isiyaasi 1:4 - Kafa Linguistics Project

⁴ Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 1:4 ပူးပေါင်းရင်းမြစ်များ

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

2 Taateenaꞌo 21:22

Bi qaabbechinaꞌochi Nuggishoo Doono Yeerin qajjiye; Doono Yeerichi gommona hamon qajjiye.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 27:2

Yotaami bi nihoo Uziyaahi tuniitoommon, Doono Yeeri aafooch kaame mooyon tuniihe. Biyoo bi nihoochoommon, Doono Yeerichi yaafee kexooch giyaanoone. Tunetaa asheenaꞌo andoo gondoon shuunee toommoochiye boonoshi beeto.

Nehimi 1:7

Ne toommooch oogeton shixxiiti gonde mooyon shuuneto noone; ne guuno Muusich ne getteti getoon, qociyoonaa doyoonon quyeyaano noone.

Shoddo 58:3

Gondeenaꞌo shiijjeyaan bee muricciyeete; boonoshi shiijjoochee tiijjiinoo muriccii koottiyeete.

Shoddo 71:22

Ta Nuggishoocho, gibeneeto ne tunetoyich, ooge ximboona neen galletemmo taane. Israꞌeelee Yaafoocho, masinqoona galletee shoddoon neech shoddemmo taane.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 78:41

Wochii wochii biin phireheete; Israꞌeelee Yaafoo ippemmoyich tuniiheete.

Shoddo 78:57

Wotteꞌi boonoshi qaabbechinaꞌochoommon dawushechinaꞌo tuneheete; qungeti shangoochoommon gibeneyaaneenaꞌo tuneheete.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Shoddo 89:18

No gaachoo Doono Yeeri nooch immitone; no taatoo Israꞌeelee Yaafoo waanee waatone.

Keyo 32:7

Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 14:20

Ne showoon ne aalliitoyich, ne asheenaꞌonoo ne wuxitoyich, bare taateenaꞌochoommon duukkeyaachemmo neene. Gondeenaꞌochi yaroo ciroona dooggemmone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 3:8

Yerusaalemi tattellaa beetine; Yihudee showoo tiishee beetone; ebiyoo asheenaꞌochi yibbaatoo tuneba boonoshi shuunoo Doono Yeerin ippiibeeto bi tunetoyichiye; bi oogoonoo qallayitinaꞌone.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 31:2

Tunebaani Doono Yeeri ariyechone; naxoon deebemmone; bi qaaroon shaddaachemmone; gondeenaꞌochi kechi asheenaꞌo toommooch, axaaxoon shuunee beetinaꞌon gaachee beetinaꞌochi toommoochoo tiyemmone.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 41:20

Ebiyoo, ebin tuniito Doono Yeerichi mochoo bi tunoon, Israꞌeelee Yaafoo ebin bi halloon, asheenaꞌo bulli ciini ariyemmoyich, gabi boonoshi shalligemmoyichiye” iye.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Isiyaasi 65:11

“Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Isiyaasi 65:3

Ebi asheenaꞌo ta ciinnaa beetaa, bechee mixo beetoochaa deejjoona, xuubee toommoochaanoo ixaanoon shoohona bulli aaboon taan ippii beetinaꞌone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 15:6

Taan qajjito ittoshine, iye Doono Yeeri. Gubb wottee hammito ittoshine; ebich ta mochoon ittoshi toommooch tiijjiree ittoshin aalliyemmo taane; maariibee taahito taane.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 2:17

Ebin ne toommooch ne deebeto, gommona neen yaabiibeeti, ne Nuggishoo Doono Yeerin qayona toone?

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 2:31

Hini shiijjereenaꞌote, Doono Yeeri ta qaaroon waayebote. Iberoochaa Israꞌeelich shuuꞌi showoo woyee mandere showoo tunetote? Ta asho amoyich ‘No, gawukkoo noone; illa ne waan wotteyaachemmo noone’ iye?

Erimiyaasi 2:33

Shunimaayeenaꞌon danoyich oogeti accechi neene. Ebina gonde shuunechi maacheenaꞌoyichona ne gommon dojjiti neene.

Erimiyaasi 2:5

Doono Yeeri ishichiye: “Ittoshi qaabbechinaꞌo ta waanee boonoshi wokkito, duube mooyon boonoshi dabbito, duubee boonoshi ito, ta waanee amee dayinnetaalli mooyon daneꞌiniye?

Erimiyaasi 32:32

Ebiyoo Israꞌeelee asheenaꞌonaa Yihudee asheenaꞌona, boonoshi taateenaꞌonaa boonoshi ukkireenaꞌona, boonoshi qeesheenaꞌonaa boonoshi keemechinaꞌona, Yihudee asheenaꞌonaa Yerusaalem beetinaꞌona, boonoshi tuniiti gonde mooyo bullina taan boonoshi ippiitoyichiye.

Erimiyaasi 50:29

“Maꞌoon ciixxiibeeti shangechinaꞌon Baablooni katemooch ceegote; bi guudoona kotebeete; ikkolla muriccaaye. Israꞌeelee Yaafoo tuneti Doono Yeeri ta toommooch bi geecitoyich, bi shuunoommon biich shuunebote; bi tuniitoommon bi toommooch tuniibote.

Erimiyaasi 51:5

Boonoshi showoo Israꞌeelee Yaafoo toommooch xukkeeti xuꞌoona ceennito bi tunetaanoona, Israꞌeeleenaꞌo tunebeeta Yihudee asheenaꞌo boonoshi Nuggishoo Beshe Mawe Doono Yeeri boonoshin dufaanoone.

Erimiyaasi 7:19

Ebi ta ippemmoyich tuniyoyichiye? Boonoshi gondiibeeto, boonoshi toommooch yeelloon boonoshi deebiibeeto, boonoshi qellichiye, iye Nuggishoo Doono Yeeri.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 16:33

Yahechi maachee asheenaꞌo waanee gijjoon deqqaa beetine; tunebaani ne, shunimaayeenaꞌoyich wojjoon immehine; xaaꞌoo bulliichee waaree neenna tookki shunoon boonoshi maayemmoyich xuccoon immehine.

Hiziqeeli 16:45

Ne, bi kenoonaa bi bushiishoonon shixxeti ne indeechi bushee neene; ne, boonoshi keneenaꞌonaa bushiisheenaꞌonon shixxiti ne maache maneenaꞌochi manee neene. Ne indee Hitee asheene; ne nihoo Amooree ashoone.

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Haddoo 32:14

“Hini axaaxechinaꞌochi shiijjereenaꞌote. Doono Yeeri kaaroon Israꞌeeleenaꞌo toommooch woddiyoyich ittoshi niheenaꞌochi xaaꞌooch kereeto ittoshine.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maatiyoosi 3:7

Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 29:25

“Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Yibbaatoo 32:19

“Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.

Yibbaatoo 32:5

“Tunebaani ittoshi, Doono Yeeri toommooch axaaxoon shuuneto ittoshine; ebi ittoshi gonde shuunee naboona, bi bushiishoo getaa ceekkeyaachemmo ittoshine; ittoshiyoo wuuqqoonaa xummoona tuneti asho ittoshine.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

Yaaꞌoo 18:5

Bi axaaxoo tummeeꞌi shimaayooch bedditone; Yeeriyoo bi xuꞌoon gabitone.

Woraaferasheenaꞌo 10:10

Aroochee Israꞌeeleenaꞌo “No Nuggishoo neen qajjaꞌa, Baꞌaaleenaꞌoyich goyinnaa maddaꞌa, axaaxoon shuunoona neen xuqqeto noone” iꞌi Doono Yeer waan cookiyeete.