Isiyaasi 1:28 - Kafa Linguistics Project

²⁸ Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 1:28 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 21:10

Ebina Edoomeenaꞌo Yihudee asheenaꞌo toommooch hanaach beddaahaa hukkeꞌiniye boonoshi beeto. Yehoraami bi qaabbechinaꞌochi Nuggishoo Doono Yeerin bi qajjitoyich, Libini katemee asheenaꞌo ebiyooba bi toommooch hukkoon tiijjiyeete.

2 Kiinoo 28:23

Biyoo “Sooriyee taateenaꞌochi nuggisheenaꞌo Sooriyeenaꞌon boonoshi gaachetoyich, boonoshich deejjoon ta deejjigaata, taanoo gaachemminaꞌone” iꞌi biin kochii wochiti Sooriyee nuggisheenaꞌoyich deejjoon deejjiye. Tunebaani ebi, biinnaa Israꞌeelee showoonoyich aalloon deebiye.

2 Kiinoo 28:6

Yihudee asheenaꞌo boonoshi qaabbechinaꞌochi Nuggishoo Doono Yeerin boonoshi qajjitoyich, Remaliyi bushoo Feqaahi ikke qemooch Yihudee asheenaꞌoochee balli hiye hume ginee naayinaꞌon wuxiye; eboshi bulli ginee anaaminaꞌone.

Iyoobi 31:3

Baloo gonde asheenaꞌo toommooch, naxoo gondoon shuunee beetinaꞌo toommooch, kindiibeeto toone?

Iyoobi 34:26

Boonoshi shuuneti gondoyich, ashi aafoochaa boonoshin sheeremmone.

Iyoobi 34:27

Ebiyoo biin dabboon boonoshi qajjitoyich, bi gommonoo boonoshi hoxetoyichiye.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 104:35

Axaaxechinaꞌo showoochee aallebeete; gondeenaꞌo ebiyee bekk beeyaayeete. Ta kasheene, Doono Yeerin diiribe. Haleluya!

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 37:38

Tunebaani axaaxechinaꞌo ikkittinoona aallemminaꞌone; gonde ashi shiijjeroo dooggemmone.

Shoddo 5:6

Kootoon yibbaatee beetinaꞌon aalliihine; damee ukkechinaꞌonaa dachechinaꞌonon Doono Yeeri ciigehe.

Shoddo 73:27

Ebiyoche neyee wokkii beetinaꞌo aallemminaꞌone; neech gibeneyaaneenaꞌon aalliyemmo neene.

Shoddo 9:5

Aageteenaꞌon kaarehine; gondeenaꞌon aalliihine; boonoshi shigo bulli yemeenoon batteyemmoyich tuniihine.

Shoddo 92:9

Doono Yeero, ne etteenaꞌo aallemminaꞌone; gondoon tunii beetinaꞌo bulli shacemminaꞌone.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 30:13

ebi xuꞌo ittoshich, gaaheꞌi diha bedditi, diqqoona kaateꞌi dihiibeeti genje xaqqee uxeroommon tunemmone.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 50:11

Qaaqqoon shookkiꞌi conjiibeeti ceechoon yechitinaꞌote, ebi ittoshi shookkiti qaaqqee bekkoona ittoshi ceechiti qaaqqee conjoona, shaꞌebote. Ta kishoochee ittoshi deqqemmi mooyo beetone; qaakkeree yangeyemmo ittoshine.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 65:11

“Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Isiyaasi 66:17

Doono Yeeri ishichiye: “Boonoshi daggoochee ikkoon dabbii bechee michi xaaꞌooch hamoyich, boonoshi qelloon barii, yaafii beetinaꞌo, gudichi meenon, tiyaariibeeti mooyonaa iiccoonon maa beetinaꞌo ikkittinoona aallemminaꞌone.

Isiyaasi 66:24

“Keyi hamibee ta toommooch hukkoon shuuneti asheenaꞌochi dubenoon beeggemminaꞌone; boonoshi hipperoo qitaachemmone; boonoshi qaaqqoo tahaachemmone; meeno taheto bullina ciigeyemmone” iye.

Erimiyaasi 17:13

Israꞌeeleenaꞌochi gibeno Doono Yeero, neen qajjiibeeto bulli yeellemmone; neyee barii beetinaꞌo, kashee xuupho Doono Yeeri neen boonoshi qajjitoyich, buttooch kooreeti shigoochoommon aallemminaꞌone.

Erimiyaasi 44:12

Gibits hami aroochoo kotoyich maacciti Yihudee cureenaꞌo aallemmoyich tuniyemmo taane; bulliyona aalleminaꞌone; Gibitsee showooch dihemminaꞌone. Goraadoona, shaacoonoo aallemminaꞌone; giishoochee oogooch beddaahaa, goraadoona, shaacoonoo qitemminaꞌone; shixxeyemminaꞌone; wuche getteyemminaꞌone; maxxaareyemminaꞌone; naaggeyemminaꞌone.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

1 Saameeli 12:25

Tunebaani gondee shuunoochee wotteyaache ittoshi getigaata, ittoshinaa ittoshi taatoona aallemmo ittoshine” iye.