Isiyaasi 1:24 - Kafa Linguistics Project

²⁴ Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 1:24 ပူးပေါင်းရင်းမြစ်များ

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

Shoddo 132:2

Doono Yeeri neech bi wogoon, Yaaqobi goyinneebeeti Giidechi Nuggishoo neech ishichiꞌi bi mookkoon, gabibe:

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 30:29

Tunebaani yaafeeti baaroobee xum ittoshi shoddee beetoommon shoddemmo ittoshine; Israꞌeeleenaꞌochi Xaqqee Inderoo tuneti Doono Yeerichi guudooch, shumburoon huggiibee hammiibeeti ashichoommon ittoshi mullo emiremmone.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 59:18

Boonoshi shuuni shuunoommon boonoshich qoccemmone; bi etteenaꞌo toommooch naxoon, bi shixechinaꞌo toommoochoo kaaroon kindiyemmone; baharee gasheexi buure showeexinaꞌoyichoo boonoshi shuunetoommon shuunemmone.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 61:2

Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Isiyaasi 63:4

Nichoo kichee aaboon maacceto taane; ta biishemmi aabo shaggitone.

Erimiyaasi 50:34

Tunebaani boonoshin Biishecho kupphoone. Bi shigoo Beshe Mawe Doono Yeerine; showoon tooꞌii kashiyoyich, boonoshi taggoon kupphii taggemmone; tunebaani Baabloonee showooch beetinaꞌon geewiyemmone.

Erimiyaasi 9:9

Ebi mooyoyich boonoshin nax bedaachote? Ebiyoommi asheenaꞌo toommooch ta, ta qelloona nichoon kichiya bedaachote?” iye Doono Yeeri.

Hiziqeeli 16:42

Ebina ne toommooch ta ippeti ippo aqqemmone; ta qanaato ne waanee wokkemmone; cikkiyemmo taane, wochinnoonoo kaareyaachemmo taane.

Hiziqeeli 21:17

Tawoo ta kishoon koppemmo taane; ta neboonoo ciichemmo taane; Doono Yeeri ta ebin getteto taane” iye.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Yibbaatoo 28:63

Doono Yeeri gaawe mooyon ittoshich bi tuniyoona, wotta shiijje shiijjere ittoshi meettemmoyich bi tuniyoona bi emiroommon, ebiyoommon ittoshin bi aalliyoonaa billimoon ittoshi toommooch bi deebona emiremmone. Giyiree ittoshi woraashemmi showoochee waaxemmo ittoshine.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

Hibireena'o 10:13

Arooch beechii, biin shixxii beetinaꞌon bi baatooch Yeeri dichimmi wottoon quyee beetone.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.