Isiyaasi 1:23 - Kafa Linguistics Project

²³ Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 1:23 ပူးပေါင်းရင်းမြစ်များ

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Keyo 23:8

“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.

Shaahiyoo 17:23

Gonde asho dayinnetoon dabiyoyich, aashoona xucco maahe.

Shaahiyoo 29:24

Gaayoona tookkii guuphiibeeto, bi kashoon shixxitone; maxxaaroon waayaabee cikkii qajjiye.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 1:22

Ne birewoo osheretone; ne woyinee uyo waaretone.

Isiyaasi 28:14

Ebi asheenaꞌo toommooch iraasheꞌi Yerusaalemin hajjiibeeti, hini cooqqirechinaꞌote, Doono Yeeri gettii beeton waayebote.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 32:32

Ebiyoo Israꞌeelee asheenaꞌonaa Yihudee asheenaꞌona, boonoshi taateenaꞌonaa boonoshi ukkireenaꞌona, boonoshi qeesheenaꞌonaa boonoshi keemechinaꞌona, Yihudee asheenaꞌonaa Yerusaalem beetinaꞌona, boonoshi tuniiti gonde mooyo bullina taan boonoshi ippiitoyichiye.

Erimiyaasi 4:17

Ta toommooch hukkoon boonoshi tiijjitoyich budeexi maayoon quyeebeeti asheenaꞌochoommon Yerusaalemin giichemminaꞌone” iye Doono Yeeri.

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Erimiyaasi 5:6

Boonoshi axaaxoo bi woddetoyich, Yeerinoo boonoshi qajjitoyich, daaheroo kubboochee keyiree boonoshin tiichemmone; barahee okeroo boonoshin kuutemmone; maahoo boonoshi katemooch ottemmone; aroochee kechiibeeto bullin yangixxemmone.

Hiziqeeli 12:2

“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hosee'i 4:18

Uchii masheechii shunee mamooch giyitinaꞌone. Boonoshi ukkireenaꞌoo yeelliibeeti mooyon oogichii shunniyeete.

Hosee'i 5:10

“Yihudee ukkireenaꞌo daaroon happii beetinaꞌoommon tunetinaꞌone. Aacon tiboommon ta kaaroon boonoshi toommooch tibemmo taane.

Hosee'i 9:15

Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Amootsi 5:12

Ittoshi axaaxoo am shaahoon bi woddeto gaata, ittoshi gondo am shaahoon bi maggeto gaatoo, ariibeeto taane. Cadiqeenaꞌon xuqqiyote; xuccoon maahote; nallee gabberoochaa girechinaꞌo nalloon daneyaachemmoyich tuniihote.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 3:9

Dayinnetoon shixxiibeeti, kaame mooyo bullin xummiibeeti, hini Yaaqobi asheenaꞌochi ukkireenaꞌote, Israꞌeeleenaꞌochi iraasheenaꞌote, ebin elle waayebote.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Mikiyaasi 7:3

Boonoshi kishoo gonde mooyon tuniyoon doyitone; ukkireenaꞌonaa nallechinaꞌona xuccoon maaheete; gijjechi asheenaꞌo boonoshi qaawiton gettii waayiiheete; ebina ikkotteꞌi koceeheete.

Zakaariyaasi 7:10

Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Haddoo 22:7

Ebich Moꞌabee showee geeneenaꞌonaa Miidiyamee showee geeneenaꞌona ufoyich qocceyemmi gijjoon boonoshi kishooch yechiꞌi hammiyeete. Balaam waan waaꞌi Balaaqi wocheton gettiyeete.

Maatiyoosi 21:13

Wotta asheenaꞌoyich “Yeeri ‘Ta kexo corootee kexone getteyemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Maariqoosi 11:17

Aree hillooch ishichiꞌi dojjiye: “Yeeri ‘Ta kexo “Aageteenaꞌo bullichi corootee kexo” getteyemmone’ iꞌi bi gettito Yaafe Macaafooch kooreyaanoone? Tunebaani ittoshi bokkeenaꞌochi gofoon tuniito ittoshine” iye.

Luqaasi 19:46

“Yeeri ‘Ta kexo corootee kexo tunemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.