Isiyaasi 1:21 - Kafa Linguistics Project

²¹ Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 1:21 ပူးပေါင်းရင်းမြစ်များ

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

2 Kiinoo 19:9

Boonoshichoo ishichiꞌi gettiye: “Doono Yeerin shatona, kaamoona, ittoshi ceeni mulloona maddebote.

Nehimi 11:1

Arooba asheenaꞌon yaabii qeejjii beetinaꞌo Yerusaalem koteheete. Echeti asheenaꞌoochee aashiroochee ikke beeroo yaafe katemee Yerusaalem bi kotemmoyich ixoo kuchehe; echeti yiixiye beeroo wotta bare katemeenaꞌooch echehe.

Shoddo 46:4

Bi daggooch, Yeerichi katemoon, Beshoo Yeeri beeti yaafe xaaꞌoon emirikkiibeeti, woce aaco beetone.

Shoddo 48:1

Doono Yeeri oogoone; no Nuggishoochi katemoochaa yaafeeti bi guudoochaa ooge galleto biich giddo tatoone.

Shoddo 48:8

Beshe Mawe Doono Yeerichi katemeechaa no Nuggishoochi katemeechaa, Yeeri tuniiton, no waayetoommon beeggehone; Yeeri are katemeen bulli yemeenoon manjiyemmone.

Isiyaasi 1:22

Ne birewoo osheretone; ne woyinee uyo waaretone.

Isiyaasi 26:10

Gonde asho gaawe aafoona bi ciichetaanona, cadiqoon doyaache; kaameenaꞌo showoochaanolla, gonde mooyon tuniihe; Doono Yeerichi oogoon shalligaache.

Isiyaasi 48:2

‘Yaafe katemee asho noone; bi shigo, Beshe Mawe Doono Yeeri tuneti, Israꞌeelee Nuggishoon gibeneebeeto noone’ ii beetinaꞌote, waayebote:

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 59:14

Dayinneto gubb wottetone; cadiqoo wokkii neexetone; iberoo addibaaboochaa tepheetone; kaamoo gimon hakkaanoone.

Isiyaasi 59:15

Iberoo aalletone; gondoochee wokkimmo, bareenaꞌochi kuppee budo tunemmone” iyeete. Doono Yeeri ebin beeggiye; dayinneto aalletoyich ayiniye.

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Hosee'i 2:5

Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 11:2

Yaafee kexoyee maach beeti addibaaboo Aageteenaꞌoyich icheto bi tunetoyich qaye; qellayiyaahine. Boonoshiyoo aabbaa gutte agenoon yaafe katemeen neexi hajjemminaꞌone.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

Yaaꞌoo 17:1

Shabaatte xoofeenaꞌon yechiti shabaatte maraakeenaꞌo daggoochee ikkoo waaꞌi taach “Wobe; meeti aacinaꞌo toommooch koteti aricheti yahechi ure toommooch Yeeri aabichiree bi nallemmo gaata neech bekkiibona.