Isiyaasi 1:17 - Kafa Linguistics Project

¹⁷ Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 1:17 ပူးပေါင်းရင်းမြစ်များ

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Keyo 22:21

“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.

Shaahiyoo 15:25

Doono Yeeri geecechinaꞌo kexon happemmone; tunebaani xuumeechi daaroon quyemmone.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Shaahiyoo 31:9

Boonoshi qoodoon yibbaatebe; kaachi nallibe; girechonaa iritechonochi qoodooch neexebe” iyan.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 56:1

Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Isiyaasi 58:6

“Ta qaawaabeeti coomoo, xuꞌoona cuchetinaꞌon ittoshi biichemmoyich, waanjeexi shachoon ittoshi kuxxemmoyich, neexaa hajjeetinaꞌon biishi ittoshi gawukkemmoyich, waanjoo bullin ittoshi tiichemmoyich toone?

Erimiyaasi 21:12

Daawitichi yareenaꞌote, Doono Yeeri ishichiye: Ittoshi shuunee gondoyich ta kaaro qaaqqoochoommon bi hafaachemmoyich, koniyoona takkoon mawiimmi wottoon bi aaxxeyaachemmoyich, maaddoona nalloon tachibote; xukketi ashoon xuqqiibeeto kishoochee wodibote.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.