Imbaaqoomi 3:3 - Kafa Linguistics Project

³ Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Imbaaqoomi 3:3 ပူးပေါင်းရင်းမြစ်များ

Halloo 21:21

Bi beemi xaaꞌoon Faraani barahooch tuniihe. Bi indeyoo Gibitsee showoochee mecheen deebaa biich shaakkiihan.

1 Taateenaꞌo 11:18

Boonoshiyoo Miidiyamee showoochee tiyii, Faraanee barahooch hammiyeete. Faraanee barahoochee giisheche asheenaꞌon yechii, Gibitsee showooch, Gibitsee taatoo Faroon waan waaheete. Biyoo Hadaadich kexonaa maayoonon daaggiye; showoonoo biich immiye.

Shoddo 113:4

Doono Yeeri aagetoo bulli toommooch oogoone; bi oogo shimaayeexi shimaayoyee damboone.

Shoddo 148:13

Bi shigo baach damba oogeto bi tunetoyich, bi oogo showoonaa shimaayoonoyee damboo bi tunetoyich, Doono Yeerin galletebeete.

Shoddo 3:2

Meeti asheenaꞌo taan, “Yeeri biin wodiyaachemmone” iyeete.

Shoddo 3:4

Doono Yeer waan oogii cookemmo taane; biyoo bi yaafee geppoochaa taach wochemmone.

Shoddo 4:4

Ittoshi kaare gaatoona axaaxoon shuuneyaahote; ittoshi qemi beeroochaa cikkiree ittoshi mulloon huushibote.

Shoddo 48:10

Yeero, ne shigoochoommon ne galleto showee tuggooch beddaahaa bedditone; ne qanne kishooch wudoo ceennitone.

Shoddo 68:17

Doono Yeeri bi mattiqutte gaarinaꞌona Siinee, bi yaafee kexooch waahe.

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Shoddo 9:20

Doono Yeero, boonoshi shattemmoyich tuniibe; aageteenaꞌo asho boonoshi tunoon ariibeete.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Isiyaasi 64:3

Ebiyee aaf waaꞌa, tunemmone iyaꞌa no gabaani, oogeton shattiiti mooyinaꞌon ne tuniihooba, guudinaꞌo neen beeggiꞌi shatona qewetinaꞌone.

Erimiyaasi 49:7

Edoomichon Beshe Mawe Doono Yeeri ishichiye: “Temaani katemooch ariyoo aalloone? Shalligechinaꞌo waanee ciico aalletone? Boonoshi ariyoo ciiretone?

Hiziqeeli 43:2

Aroochee Israꞌeelee Nuggishoo Yeerichi oogee yiiroo aabi-keyo waanee waahe; bi qaaro ooge aacochoommon buugii beehe; bi oogee yiiroochee tiyitona showoo aaxxee bekkehe.

Amootsi 1:12

Ebich Temaani katemooch qaaqqoon geddemmo taane; Botsira beeti taatee kexinaꞌonoo michi aalliyemmone” iye.

Abidiyi 1:9

Temaani katemeexi ginee anaaminaꞌo keqqemminaꞌone; asho bulli Esayichi guudi toommoochee wuxaa aallemmone.

Imbaaqoomi 2:14

Tunebaani aaco baharooch ceenoommon showoo Doono Yeerichi oogee yiiroon ariyoona ceennemmone.

Haddoo 10:12

Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe.

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

Yibbaatoo 5:24

Taachoo ishichiyeete: ‘No Nuggishoo Doono Yeeri bi oogoonaa oogee yiiroonon nooch bekkiitone; bi qaaroonoo qaaqqee daggoochee waayeto noone; Doono Yeeri biich yibbaateechaa, asho kashoona beemon hakkemmo bi tunoon hanaach beeggeto noone.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.