Imbaaqoomi 3:18 - Kafa Linguistics Project

¹⁸ ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Imbaaqoomi 3:18 ပူးပေါင်းရင်းမြစ်များ

2 Saameeli 6:15

Ebiyoommi gommona Daawitinaa Israꞌeeleenaꞌona emirii ililiibee, tiroon huggiibeenoo, Doono Yeerichi taabootoon Yerusaalem deebiyeete.

Iyoobi 13:15

Yeeri bi qaawigaata taan wuxibe; illa echesho amoone; tunebaani ta mooyon bi aafoochaa taggemmo taane.

Shoddo 104:34

Doono Yeerina ta emiroommon biyoo ta gaboona emiribe.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 25:5

Taan wodiyechi ta Nuggishoo ne tunetoyich, ne iberittinoona taan yaabiree dojjibe. Heeyo bullin ta gibenaabeeto neeniye.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 33:1

Cadiqeenaꞌote, Doono Yeerich ililibote; kaameenaꞌo biin galleto tatoone.

Shoddo 85:6

Ne maccoo no, kashoon no wochemmoyich ne tuniitaa, ebina neenna emiribone.

Shoddo 97:12

Cadiqeenaꞌote, Doono Yeerina emiribote; yaafe bi shigoonoo galletebote.

Keyo 15:1

Aroochee Muusinaa Israꞌeeleenaꞌona ishichiibeeti shoddoon Doono Yeerich shoddeheete: “Oogoona beshii bi oogetoyich, hareshoonaa hareshechonon baharooch bi dichitoyich, Doono Yeerich shoddemmo taane.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.