Imbaaqoomi 2:8 - Kafa Linguistics Project

⁸ Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:8 ပူးပေါင်းရင်းမြစ်များ

Shoddo 137:8

Baabloonee asheenaꞌote, no toommooch ittoshi tuniitoommon, ittoshi toommooch tuniibeeto diireetone.

Shaahiyoo 22:23

Ebiyoo Doono Yeeri boonoshi taggoon taggemmo bi tunetoyichiye; boonoshin boggii beetinaꞌochi kashoon boggemmone.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:4

Gechoo kiceyoommon keco kiceyemmone; gurimaashe gechoo caphoommon asheenaꞌo aroochaa capphemminaꞌone.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Erimiyaasi 30:16

“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.

Erimiyaasi 50:14

“Maꞌoon ciixxiibeeti asheenaꞌo bulloshite, Baabloonin koyoyich bi guudoona giishote; Doono Yeeri toommooch axaaxoon bi shuunetoyich, amoonolla echiyaanoon shangeenaꞌon daachiibote.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 50:37

Goraado bi haresheenaꞌonaa bi gaarinaꞌonochi toommooch, bi daggoochoo beeti baribare macceenaꞌo toommoochiye; boonoshiyoo maacheen tunemminaꞌone! Goraado boonoshi yaaphee toommoochiye; boonoshiyoo boggeyemminaꞌone!

Erimiyaasi 51:13

Meeti aachi gashooch kotetocho! Gaannoon ciqqinnetocho! Ne aallemmi aaboo, ne ciiro shaggitone.

Erimiyaasi 51:24

Doono Yeeri ishichiye: “Tsiyooni toommooch boonoshi tuniiti gondee kaalloon Baablooninaa Kalidee showooch beetinaꞌo bullinochi toommooch, ittoshi ciini beetaa ittoshi aafoochaa wochemmo taane” iye Doono Yeeri.

Erimiyaasi 51:44

Baabloonee nuggishoo Beelin naxemmo taane; bi qooxxiton aaphiyemmo taane; ebiyee bekk aageteenaꞌo arooch oriheyaachemminaꞌone. Baablooni xaqqee uxeroo dihemmone.

Erimiyaasi 51:48

Aalliyechinaꞌo biin koyoyich dambi-waanee woyemminaꞌo boonoshi tunetoyich, shimaayoonaa showoona, bi daggooch beeto bulli Baablooni toommooch ililemminaꞌone” iye Doono Yeeri.

Erimiyaasi 51:8

Baablooni diqqoona hollii tiishetone; biich eefote; diqqich bi wodemmo gaata, bi mayoyich attoon daambote. Bare asheenaꞌoo

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Abidiyi 1:15

“Aageteenaꞌo bulli toommooch, Doono Yeeri ta, nallemmi aabo shaggitone; ne shuuneto ne toommooch shuuneyemmone; ne shuunetoommon danemmo neene.

Imbaaqoomi 2:10

Ittoshi maroo ittoshi toommooch yeelloon deebitone; meeti asheenaꞌon wuxii aalliyoona ittoshi toommooch aalloon deebito ittoshine.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Zakaariyaasi 14:12

Yerusaalemin kocha tiyiti aageteenaꞌo toommooch Doono Yeeri kupphe biiyoon deebemmone. Batt baatoona neexe boonoshi beetaa, boonoshi meeno oqqemmone; boonoshi aafo bi qophoochaa, boonoshi heciyoo kookkoochaa oqqemmone.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.