Imbaaqoomi 2:3 - Kafa Linguistics Project

³ kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Imbaaqoomi 2:3 ပူးပေါင်းရင်းမြစ်များ

2 Taateenaꞌo 6:33

Ebin boonoshich batt bi gettaaha, wocheyecho shaggiye. Bi hillooch taatoo waaꞌi, “Ebi xuuxo waato, Doono Yeer waaneeniye. Ishigaata, Doono Yeeri ikke mooyon bi tuniyemmoyich ta quyemmo, aati wottooniye?” iye.

Shoddo 102:13

Hini, Tsiyooni gaawe aafoona ciichemmi yemeenoone; maacheti aabo shaggitone; tiyiree Tsiyoonich ariqqebe.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 7:4

Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Hiziqeeli 12:25

Tunebaani Doono Yeeri ta gettemmo taane; ta gettemmi qaaroo tatoona ceennemmone; hini hukkechi macceenaꞌote, ta gettemmo bullin ittoshi yemeenooch ceechemmo taane, iye Nuggishoo Doono Yeeri’ gete” iye.

Hiziqeeli 30:9

“ ‘Ebiyooba amoonolla keqqaanoon koteꞌi beeti Topphiyeenaꞌon keqqichoyich wocheyechinaꞌo markaboona ta waanee hammemminaꞌone; Gibitsi aalloona xuuxo boonoshi toommooch tunemmone; illa ebiyoche, ebi tunemmone.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 11:27

Boonoshi mulloona gondoon gabiibeeti, ebi gutte taateenaꞌo maayoon mamoyich ikke madooch kotemminaꞌone; boonoshiyoo ikkoo baroyich kootoon yibbaatemmone. Tunebaani maacheti aabo batt bi tunetoyich, ebi boonoshi gaboo amoonolla boonoshich gaacaachemmone.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Daaneeli 8:17

Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Mishiraachechinaꞌo 1:7

Biyoo wochiꞌi, “Ta Nihoo bi hajjee shalligoona bi neechiti ageneenaꞌonaa yemeeneenaꞌonon ittoshi ariyemmoyich, ittoshich daaggaanoone.

Mishiraachechinaꞌo 17:26

Showee toommo bulliich boonoshi beeyemmoyich, aagetee asheenaꞌo bullin ikke ashoochee halliye. Wotta boonoshin hallaan beebee, boonoshi kashee yemeenoonaa boonoshi beeyemmi xaaꞌoonon shiichiꞌi daarehe.

Galaati 4:2

Nihoo “Ebiyooba ne qelloon hakkemmo neene” iꞌi bi taajjeti yemeenee wottoon kexon qeejjii beetinaꞌonaa gijje yesheenaꞌonoyee deshoone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.