Imbaaqoomi 2:19 - Kafa Linguistics Project

¹⁹ Mixoochee shuuneeti mooyon tibe, miime xaqqoonoo kaamebe, ii beeti ittoshich woowo! Ebi aroo ittoshich yaaꞌoon bekkiyoon hakkehe? Bi achoo aachoonaa birewoona dikkeeto bi tunetaanoona, kashaalli mooyone.

Imbaaqoomi 2:19 ပူးပေါင်းရင်းမြစ်များ

Shoddo 135:15

Aageteenaꞌochi shahalleenaꞌo birewoonaa aachoonoochee shuuneeti ashi kishee shuuneenaꞌone.

Shoddo 135:17

waamo boonoshich beete; tunebaani waayeyaacheete; kashonolla hakkaacheete.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Isiyaasi 26:14

Areenaꞌo qititinaꞌone; wotteree kashoona beetaachemminaꞌone; aalletinaꞌone; guttinnoon tiyaachemminaꞌone; boonoshin naxaꞌa aalliito neene; boonoshi shalligichoon hidaa aalliito neene.

Isiyaasi 40:19

Shahalloon shuuna ariyecho shuunehe; aachee ukkecho aachoona dikkehe; birewee sansalatoonoo shuunehe.

Isiyaasi 41:26

No ariyemmoyich, wonnee tiijjiꞌi gettito konine? Iberoone no gettemmoyich, shiichiꞌi keemmito konine? Gettito aalloone; awaajjito aalloone; ittoshi qaaroon waayeto aalloone.

Isiyaasi 44:17

Aroochee echetona shahalloon shuunehe; bi aafoochoo guufee goyinnehe; bi waan corootiibee, “Ne, ta nuggishoo ne tunetoyich taan wodiibe” iye.

Isiyaasi 46:6

Asheenaꞌo aachoon boonoshi kolloochee tebbeheete; birewoonoo machoona qocciyeete; aachee ukkechon boonoshi kiraayaa, nuggishoon tuniiꞌi shuunehe; boonoshiyoo guufeꞌi biich goyinneheete.

Isiyaasi 57:6

Ittoshi nuggisheenaꞌo bambeexi naalle xaqqeenaꞌone; areenaꞌo ittoshich ixeenaꞌone; boonoshich uyee buuroon ukkiyote; maayi buuroonoo deebiyote; ishigaata ta ebi mooyoyich kaareyaachehote?

Erimiyaasi 10:14

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Erimiyaasi 10:3

Aageteenaꞌochi doyoo duuboone; mixo kubboochee kuchehe; shuunechinaꞌo kishoona qofiyona xareehe.

Erimiyaasi 10:4

Birewoonaa aachoona macecikkiyeete; bi shuuraachemmoyich modooshoonaa misimaaroona xaaqqiyeete.

Erimiyaasi 10:9

Qicceti birewoo Tarisheshee, aachoo Ufaazee waahe. Eboshiyoo shuunee ariyechonaa aachee ukkechonochi shuuneenaꞌone; boonoshi taho shimaayitoonaa dameroonane; bulliyona ariyechochi shuuneenaꞌone.

Erimiyaasi 2:27

Mixon ‘Ne, ta nihoo neene’ xaqqoonoo ‘Taan shiyeto neene’ iyeete. Boonoshi aafoon tuneyaanoon boonoshi gubboon ta waan wochiyeete. Tunebaani boonoshi iritee aabooba ‘Tiyiree noon wodiibe’ iyeete.

Erimiyaasi 2:28

“Yihudo, ne nuggisheenaꞌo ne katemeenaꞌoommi meetinaꞌone; ne qellich ne shuuneti ebi ne nuggisheenaꞌo and aayeete? Eke boonoshi hakkigaata tiyiree ne iritee aabooba neen wodiibeete.

Erimiyaasi 51:17

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Erimiyaasi 51:47

Ebich shuuneeti Baabloonee shahalleenaꞌon ta naxemmi yemeeno waa beetone; bi showoo bulli yeellemmone; koyaa qititinaꞌo bi daggooch dihemminaꞌone.

Daaneeli 3:1

Taatoo Nabukadinatsori bi neexo shiche hiroo, bi gidoo shiritte hiroo tuneti misiloon aachoochee shuuniihe. Aroonoo Baabloonee showooch beeti, Duuri bakkooch neechiihe.

Daaneeli 3:18

Tunebaani taatoocho, noon wodiyoon bi qayi gaatoona, ne nuggisheenaꞌoyich goyinneyaachemmo, aachoochee shuuniyaꞌa ne neechiti misiloyichoo goyinneyaachemmo no tuno neech aricheton tunebe” iyeete.

Daaneeli 3:29

“Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.

Daaneeli 3:7

Ebich xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon boonoshi waayehooba, ashi yaroo bulliichee, aagetoo bulliichee, asho yibbaateebeeti noonoo bulliicheenoo kiceeti asheenaꞌo bulli taatoo Nabukadinatsori neechiti, aachoochee shuuneeti misiloyich baroona guufeꞌi goyinneheete.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 5:4

Woyinee uyoon uchiibee aachoochee, birewoochee, gooshoochee, xuuroochee, mixonaa xaqqoonoochee shuuneeti, nuggisheenaꞌochi misiloon galleteheete.

Yoonaasi 1:5

Markabechinaꞌo oogeton shattiyeete; asho bi qelli qelloona bi nuggishi nuggishoo biin bi gaachemmoyich cookiye. Markabo kettemmoyich, bi maacooch beeti qiicoon baharooch kichii duppiyeete. Areegaata, Yoonaasi markabee dechiich beeti gatooch kindiꞌi tokketetone; magge tokketoo biin daammitone.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.