Imbaaqoomi 2:17 - Kafa Linguistics Project

¹⁷ Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:17 ပူးပေါင်းရင်းမြစ်များ

Shoddo 137:8

Baabloonee asheenaꞌote, no toommooch ittoshi tuniitoommon, ittoshi toommooch tuniibeeto diireetone.

Shoddo 55:23

Tunebaani Yeero, gondeenaꞌon maash daachiyemmo neene; ashi kashee kichechinaꞌonaa dachechinaꞌona boonoshi eeni qatonolla beetaachemminaꞌone. Tunebaani ta, neen gibenehoye.

Shaahiyoo 28:17

Ashi damee hiishechi asho bi qitimmi wottoon yallyallimi beeyemmone; koniyoona biin gaachaaye.

Erimiyaasi 50:14

“Maꞌoon ciixxiibeeti asheenaꞌo bulloshite, Baabloonin koyoyich bi guudoona giishote; Doono Yeeri toommooch axaaxoon bi shuunetoyich, amoonolla echiyaanoon shangeenaꞌon daachiibote.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 51:24

Doono Yeeri ishichiye: “Tsiyooni toommooch boonoshi tuniiti gondee kaalloon Baablooninaa Kalidee showooch beetinaꞌo bullinochi toommooch, ittoshi ciini beetaa ittoshi aafoochaa wochemmo taane” iye Doono Yeeri.

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Hiziqeeli 31:16

Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone.

Yoꞌeeli 3:19

Boonoshi showoochaa xalle ashi damoon boonoshi ukkitoyich, Yihudee asheenaꞌon boonoshi xuqqitoyich, Gibitsee showoo ashaalli xafo, Edoomee showoo barahoo, tunemmone.

Imbaaqoomi 1:17

Ishigaata, boonoshi dabboon dufi yeshibee, aageteenaꞌonoo ariqqaalloon wuxibee bulli yemeenoon beebeeta?

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Zakaariyaasi 11:1

Libanoose! Qaaqqoo ne yigee mixinaꞌon bi maayemmoyich ne kelleenaꞌon qechibe!