Imbaaqoomi 1:9 - Kafa Linguistics Project

⁹ “Boonoshi bulli hukkoyich qanniꞌi waaheete; boonoshi ginee naayinaꞌo barahee yubee yongoochoommon aaf guubbiyeete; baharee gasheexi qacoommi meeti ashoon keccii daammiyeete.

Imbaaqoomi 1:9 ပူးပေါင်းရင်းမြစ်များ

Halloo 41:49

Yooseefi ebine, getaa haddoo hakkeyaani maayoon kiciihe; ebi maayi woddoochee tiyitona, qeellee haddoo hakkeyaano bi tunetoyich, qeellemmon qajjiye; baharee gasheexi qacee woddoommon woddetone.

2 Taateenaꞌo 12:17

Ebiyooba Sooriyee taatoo Hazaheeli damba kechii hammiꞌi, Gaatin kochii yechiye. Yerusaaleminoo keyi kocha aroo waan wottehe.

Iyoobi 29:18

“Tawoo ‘Meeti yemeenoon kote, geeneree, ta kexoochaa qitemmo taane’ iyaꞌa gabiyoye.

Shoddo 139:18

Haddiya ta getaa, qacoyee beshiꞌi woddehe. Tokketoochee tiyaꞌa andoo neenna tookkaa taane.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Erimiyaasi 15:8

Ittoshi xuumeenaꞌochi haddoon, bahareexi qacoyee bi beshemmoyich tuniihoye; gurimaasheenaꞌochi indeenaꞌo waan aalliyechon aabe tukkehaa deeboye; ayinoonaa keqqoonon diqqoona boonoshi toommooch deeboye.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 34:22

Andoo boonoshich gettemmo taane; hini katemoochoo wochi boonoshin deebemmo taane; ebi katemoon kocheminaꞌone; yechemminaꞌone; qaaqqoonoo michemminaꞌone; Yihudee katemeenaꞌon ashaalli shokkoon tuniyemmo taane” iye Doono Yeeri.

Erimiyaasi 4:11

Ebiyooba hini ashoonaa Yerusaaleminoyich ishicheyemmone: “Woqqoyich woyee xalliyoyich tuneyaanoon michiibeeti yongo barahooch beeti hulloo tuneti geppeenaꞌoochee ta asho waan yongemmone.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Hiziqeeli 17:10

Ebi woyino becheyoon becheetone; tunebaani dicon hakkehe? Aabi-keyo waani yongo biin yexiyooba ciroona shoollaachehe? Bi becheeti tagoochaa shoollaachehe?’ itone gete” iye.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Daaneeli 11:17

Biyoo bi taatee showooch beeti, bi ginee naayinaꞌo bullin yeshiree woya maaccemmone. Gibitsee taatoona tookki wogoon giyemmone. Ebi taatittinoon aalliyoyicha getiree, bi busheen Gibitsee taatoyich shaakkiyemmone; tunebaani ebi bi gaboo ceenaachemmone.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Hosee'i 13:15

Bi maneenaꞌo daggoochaa bi gaannetaanona aabi-keyo waanee yongo barahoochee yongebee Doono Yeeri ta waanee waaree, bi aachi xuuphoon takkemmone; bi aachi oppoonoo shuuꞌiyemmone; bi ginjabeetoochee aaxxe bi qiico bullin tiijji daammemmone.

Imbaaqoomi 1:17

Ishigaata, boonoshi dabboon dufi yeshibee, aageteenaꞌonoo ariqqaalloon wuxibee bulli yemeenoon beebeeta?

Imbaaqoomi 1:6

Boonoshi hajjoo tuneyaani showoon koyi yecha showee toommo bulliich oriheebeeti, maacmanjeenaꞌonaa afaafinechinaꞌona tuneti Baablooneenaꞌon tiijjemmo taane.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Woraaferasheenaꞌo 7:12

Gechoommon dofeenaꞌo tuneti Miidiyameenaꞌo, Amaleeqeenaꞌonaa aabi-keyo waani asheenaꞌo bullina are bambooch beetinaꞌone. Boonoshi gaaleenaꞌochi haddoo baharee gasheexi qacoochoommon haddaa ciyaanoone.