Imbaaqoomi 1:6 - Kafa Linguistics Project

⁶ Boonoshi hajjoo tuneyaani showoon koyi yecha showee toommo bulliich oriheebeeti, maacmanjeenaꞌonaa afaafinechinaꞌona tuneti Baablooneenaꞌon tiijjemmo taane.

Imbaaqoomi 1:6 ပူးပေါင်းရင်းမြစ်များ

2 Taateenaꞌo 24:1

Yoyaqiimi taatee yemeenooch, Baabloonee taatoo Nabukadinatsori Yihudee showoon kochii yechiye. Yoyaqiimi keejje naton biich bi hajjeetoyee gubb, wochinnoon bi toommooch hukkoon tiijjiye.

2 Taateenaꞌo 24:2

Doono Yeeri Baabloonee ginee naayinaꞌon, Sooriyee ginee naayinaꞌon, Moꞌabee ginee naayinaꞌonaa Amoonee ginee naayinaꞌonon Yoyaqiiminaa Yihudee asheenaꞌonon boonoshi aalliyemmoyich daachiihe. Bi daachiito, bi guuninaꞌo tuneti keemechinaꞌona Yihudee showoon aalliyeechon bi gettiti keemo ceennemmoyichiye.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

2 Kiinoo 36:6

Baabloonee taatoo Nabukadinatsori Yihudee showoon kochii yechiye; Yoyaqiimin gooshee qoqqaannoona cuchiꞌi Baabloonee showooch daammiye.

Isiyaasi 23:13

Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.

Erimiyaasi 13:20

Yerusaaleme, qaalliree dambi-waanee waa beetinaꞌon ciine; neech icheti bageenaꞌo, mallet gaawe bageenaꞌo aayeete?

Erimiyaasi 21:4

“Sedeqiyaasich ishichi getote: Israꞌeelee Nuggishoo Doono Yeeri ishichiye: ‘Baabloonee taatoonaa uxeroyee maachaa ittoshin giichiti Baabloonee asheenaꞌonon ittoshi kochiibeeti, ittoshi kisheexi ginee qiicoon ittoshi toommooch wochi ballemmo taane; boonoshin kiciree hini katemee daggooch deebemmo taane.

Erimiyaasi 21:7

Ebiyee gubb, iye Doono Yeeri, Yihudee taatoo Sedeqiyaasinaa bi iraashiiti iraasheenaꞌonon, naxoochee, goraadoonaa shaacoonoochee muricciti asheenaꞌon, Baabloonee taatoo Nabukadinatsorinaa boonoshi kashoon aalliyooch qaawiibeeti boonoshi etteenaꞌonoyich, beshiiree immemmo taane; biyoo boonoshin goraadoona qeccemmone; boonoshich ayinaachemmone; ariqqeyaachemmone; boonoshinoo maaraachemmone’ itone” iye.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 30:5

“Doono Yeeri ishichiye: Shati qaaroon, geewee qaaroonoo waayeto noone; diggeecho toonoone.

Erimiyaasi 4:11

Ebiyooba hini ashoonaa Yerusaaleminoyich ishicheyemmone: “Woqqoyich woyee xalliyoyich tuneyaanoon michiibeeti yongo barahooch beeti hulloo tuneti geppeenaꞌoochee ta asho waan yongemmone.

Erimiyaasi 4:6

Dambi-waanee gonde mooyonaa oogeti aalloonon deebemmo ta tunetoyich, Tsiyoon waan malletoon tiijjiree mallibote; wocote; yagiyaahote!

Erimiyaasi 4:8

Doono Yeerichi kupphe kaaro, no waanee wottoo bi qajjitoyich, dookoon tahebote; eefebote; woowo, getote” iye.

Erimiyaasi 5:15

“Israꞌeelee kechi asheenaꞌote, wohi showoochee aageteenaꞌon ittoshi toommooch deebemmo taane” iye Doono Yeeri. “Eboshiyoo giidechinaꞌo, wonneechinaꞌo, boonoshi yibbaatoon ittoshi ariyaaneenaꞌonaa amoon boonoshi gettiibeeto gaata, shalligoon ittoshi hakkaaneenaꞌonane.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Hiziqeeli 16:40

Xaqqoona neen qiccemmi, goraadoonoo neen qeccemmi macceenaꞌon ne toommooch tiijjemminaꞌone.

Hiziqeeli 21:31

Ta kaaroon ne toommooch kindiyemmo taane; ta nebee qaaqqoon ne toommooch aaxxiyemmo taane; aalliyoon ariibeeti mulli manje asheenaꞌochi kishooch neen beshii immemmo taane.

Hiziqeeli 28:7

ebiyoche aagetee asheenaꞌoochee oogeti maacmanje etteenaꞌon ne toommooch deebemmo taane; boonoshiyoo ne toommooch goraadoon kaaci gaawe ne ariyoon aalliyemminaꞌone; ne oogoonoo giishiyemminaꞌone.

Hiziqeeli 31:12

Ashi showee asheenaꞌo, oogichii keqqichiibeeti aageteenaꞌoo kuxxiꞌi biin duppitinaꞌone. Bi nolleenaꞌo guudinaꞌochi toommonaa bambeenaꞌonooch hollitinaꞌone; bi qaakkeenaꞌoo aachechi showoo bulliich tiisheꞌi hollitinaꞌone; showee toommeexi asheenaꞌo bulli bi yiiroochee qajjii hammitinaꞌone.

Yoꞌeeli 2:3

Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.