Imbaaqoomi 1:5 - Kafa Linguistics Project

⁵ Doono Yeeri bi asheenaꞌoyich ishichiye: “Eke ittoshi guudoona beeti aagetee asheenaꞌon ciinote; ciiniree oogichi worganebote; asho koniyoona getaa iberiyoon ittoshi hakkaani mooyon ittoshi yemeenooch shuuneya ii beeto taane.

Imbaaqoomi 1:5 ပူးပေါင်းရင်းမြစ်များ

Isiyaasi 29:14

Ebich hini asheenaꞌo daggooch worganikkiti gaakkechi mooyon wochinnoon tuniyemmo taane; ariyechinaꞌo ariyoo aallemmone; shalligechinaꞌochi shalligoo dooggemmone” iye.

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Shoosho 4:12

Showee taateenaꞌo woyee showee toommooch beetinaꞌo bulli, shixecho woyee etto Yerusaalemi xaqqee uxeree kelloona giyemmone iꞌi iberiyaaneenaꞌone.

Daaneeli 9:12

Magge naxoon deebaꞌa noonnaa noon qeejjii beetinaꞌonochi toommooch ‘Tuniyemmo taane’ ne iti mooyon ceechihine. Yerusaalemi toommooch tunetoommi mooyo hini showee toommo bulliich beeti katemeenaꞌo toommooch ciroona tuneyaanoone.

Imbaaqoomi 3:2

Doono Yeero, worganikkiti ne shuunoon waayaꞌa, oogichii shatteto taane; ebi shuunoon no yemeenooch wochinnoon shuunebe; no yemeenooch bi arichemmoyich tuniibe; ne kaarooba noon maaroon batteyaahine.

Sofoniyaasi 1:2

Doono Yeeri ishichiye: “Bulli mooyon showee toommoochee hidi aalliyemmo taane.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.