Imbaaqoomi 1:4 - Kafa Linguistics Project

⁴ Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Imbaaqoomi 1:4 ပူးပေါင်းရင်းမြစ်များ

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

Iyoobi 21:7

Gonde asheenaꞌo eeno genje, gaanne miyiree, kashoona boonoshi beeyemmoyich, Yeeri tuniibeeto amoyichiye?

Shoddo 11:3

Dechi heco shekireechaa, cadiqo amoon tuniyoo hakkehe?” iyote.

Shoddo 119:126

Doono Yeero, ne sheeroo happeebeeto bi tunetoyich, hini ikke mooyon ne tuniyemmi aaboone.

Shoddo 22:12

Meeti gubbenoochoommon etto taan giichitone; Bashaanee showeexi giidechi gubbeneenaꞌochoommon ta guudoona guudditone.

Shoddo 22:16

Guuphiti gonde asheenaꞌo, kunaaneenaꞌochoommon taan giichiyeete; ta kishoonaa ta baatoonooch kochiyeete.

Shoddo 59:2

Gondoon shuunee beetinaꞌo waanee taan wodiibe; damee ukkechinaꞌo waanee taan wodiibe.

Shoddo 59:4

Ame xuꞌolla ta waan aalloon, taan aalliiya qanniꞌi tiyiyeete; ebin beegiree, taan gaachoyich tibe.

Shoddo 94:3

Doono Yeero, aati wottooniye? Gonde asheenaꞌo coondere beeyemmo, aati wottooniye?

Keyo 23:2

“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Keyo 23:6

“Nallee gabberoochaa dayinnetoon dabiiree, girecho mooyon xummiyaahine.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 59:12

“No xuꞌo ne aafooch woddoone; no axaaxoo no toommooch miixee beetone; no xuꞌo noonna tookkii bi beetoyich, no axaaxoon ariyaabeeto noone.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Erimiyaasi 12:6

Ne maneenaꞌonaa ne yareenaꞌona neen dawushitinaꞌone; ne aalloochaa ne toommooch tiyii cookee beetinaꞌone; neenna tookkii gaawe noonoona boonoshi yibbaatetaanona, boonoshin gibeneyaahine” iye.

Erimiyaasi 26:8

Erimiyaasiyoo asho bullich bi gettemmoyich Doono Yeeri biich gettiton bi ciichiyee, qeesheenaꞌo, keemechinaꞌonaa asho bullina biin yechiꞌi, “Qitemmo neene.

Erimiyaasi 8:7

Maannaakkolla bi wottemmi gooroon arii beetone; daabbiche, yegeccoonaa maallinaayona boonoshi goojjemmi aaboon arii beetinaꞌone; tunebaani ta asheenaꞌo Doono Yeerichi doyoon ariyaaneenaꞌone.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Amootsi 5:12

Ittoshi axaaxoo am shaahoon bi woddeto gaata, ittoshi gondo am shaahoon bi maggeto gaatoo, ariibeeto taane. Cadiqeenaꞌon xuqqiyote; xuccoon maahote; nallee gabberoochaa girechinaꞌo nalloon daneyaachemmoyich tuniihote.

Amootsi 5:7

Dayinnetoon dabiibeeti, cadiqoon showooch duppiibeeti ittoshich woowo!

Maariqoosi 7:9

Daakkiꞌi ishichiye: “Ittoshi doyoon ceechoyich Yeerichi sheeroon qeexxee kiin bechaachote.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Mishiraachechinaꞌo 7:59

Arooba Isxifanoosi xaqqoona yexxeebee, “Ta Doono Yesuuso, ta kasheen deꞌe” iꞌi qollehe.

Roomi 3:31

Illa Yesuus Kiristoosi toommooch no mulloon tooꞌiyoona Yeerichi sheeroon echiyaabeeto noone? Toonoone. Sheeroon manjiihonalli echiyaachone.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.