Hosee'i 9:8 - Kafa Linguistics Project

⁸ Keemecho, ta Nuggishoochi asheenaꞌo tuneti Efreemich qayechone. Tunebaani bi gommo bulliich ollo olleetone. Bi Nuggishoochi yaafee kexoochaa etto biin quyee beetone.

Hosee'i 9:8 ပူးပေါင်းရင်းမြစ်များ

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 18:1

Meeti aabo beshetoyee gubb, keejjinnee natooba, Doono Yeeri Eliyaasich, “Hamiree Akaabich bekkebe; showee toommooch amiyon dichemmo taane” iye.

1 Taateenaꞌo 18:19

Andoo asheenaꞌo Qermeloosi guudoochaa taanna boonoshi danemmoyich Israꞌeelee asho bullich wochoon daachiibe. Elizabeeli madoochee maabeeti, awudde ballaa aache Baꞌaalee keemechinaꞌonaa nuggishee Asheerichi awudde balle keemechinaꞌona woyemmoyich tuniibe” iye.

1 Taateenaꞌo 22:11

Kenanaahi bushoo Sedeqiyaasi qaroommi mooyon xuuroochee shuuneꞌi, “Doono Yeeri ishichiye: ‘Sooriyeenaꞌon boonoshi aallemmi wottoon eboshina kochemmo neene’ itone” iye.

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

1 Taateenaꞌo 22:28

Mikiyaasiyoo, “Diggoona ne wottegaata, Doono Yeeri taanna getaanoone” iye. Aroochee, “Asheenaꞌote, ittoshi bulliyoo ebin waayebote” iye.

1 Taateenaꞌo 22:6

Aroochee Israꞌeelee taatoo keemechi awudde balli bede asheenaꞌon ikkooch kiciꞌi, “Gilaadee showooch beeti Ramootin koyoyich hambote, qayote?” iꞌi boonoshin echehe. Boonoshiyoo, “Hambe; Yeeri ne kishooch beshiiree immemmone” iyeete.

2 Taateenaꞌo 13:21

Ikke areddoon asheenaꞌo ikke uroon duukkiibee, Moꞌabee ginee naayinaꞌon beeggiyeete. Ebich dubenoon Elisayi duukketi oppooch duppiichii wocciyeete. Ebi dubeno Elisayichi shaawushoona qiceeꞌi, bekkech uro wodii bi baatoona neexehe.

2 Taateenaꞌo 2:14

Eliyaas waanee holliti iddimoon daammii, aacon yexxiꞌi, “Eliyaasichi Nuggishoo Doono Yeeri aaye?” iye. Aacon bi yexaa, okkinaa hachinon qoodeehe. Elisayiyoo kimmiye.

2 Taateenaꞌo 2:21

Biyoo aachi xuuphooch hammiꞌi, arooch kiihon duppiichii, “Doono Yeeri ishichiye: ‘Hini aacon xalliito taane. Ebiyee damba qitee naboo tuneyaachemmone; showoo maayoon shakkiyaachemmoyich bayaachemmone’ itone” iye.

2 Taateenaꞌo 4:41

Biyoo, “Buddinoon taach deebote” iye. Buddinoonoo shexxooch geddiichii, “Asheenaꞌo maayemmoyich kichibote” iye. Ebina shexxoochee gonde mooyo wokkiye.

2 Taateenaꞌo 4:43

Tunebaani bi aafee bushoo, “Ebin balle ashoyich ta giddiyemmo, aabichireeshiye?” iye. Elisayiyoo, “ ‘Maaree echiyemminaꞌone’ iꞌi Doono Yeeri gettitone. Ebich boonoshi maayemmoyich asheenaꞌoyich imbe” iye.

2 Taateenaꞌo 5:14

Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.

2 Taateenaꞌo 5:27

Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.

2 Taateenaꞌo 7:19

are iraashoo Yeer ashoyich, “Doono Yeeri shimaajji mallee kelloon bi qechitaanona, ebi mooyo tuno hakkaache” iꞌi wochitone. Yeer ashoo, “Ne hajjee aafoona ebin beeggemmo neene; tunebaani aroochee shaacaachemmo neene” itone.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

Shoddo 124:7

Aaddoochi olloochee, kafoochoommon muricceto noone; ollo tiishetaa, nowoo muriccehone.

Dojjecho 9:12

Asho bi ciiro aata gaata ariyaache. Haashoo dabbooch bi yechoommon, kafoo ballaattooch bi yechoommon, asho gabaanoon diqqoona qitoona danehe.

Solomooni 3:3

Katemoon guuddii quyeebee, kellechinaꞌo taanna daneheete. Tawoo, “Kashoona ta shunnaa beeton beeggitote?” iyaꞌa boonoshin echeho.

Isiyaasi 62:6

Yerusaaleme, qayechinaꞌon ne uxereenaꞌooch kotiito taane; boonoshiyoo xumoonaa areddoonon ciroona cikkaachemminaꞌone; Doono Yeer waan cookii beetinaꞌote, ciroona kasheyaahote.

Erimiyaasi 11:19

Tunebaani guureyooch hammiibeeti bagee baaddoon shaahiyo; boonoshiyoo “Mixon bi aafoona tookki dichibone; ebiyee bekk bi shigo shalligeyaachemmoyich, kashechinaꞌo beeti showoochee aalliibone” iꞌi ta toommooch boonoshi koceeton ta ariyaano taane.

Erimiyaasi 14:13

Aroochee tawoo ishichiyo “Nuggishoo Doono Yeero, keemechinaꞌo ‘Iberoochaa hini xaaꞌoochaa ittoshich ta immemmo diggoonalli goraadoon beegaachemmo ittoshine; shaacoo ittoshin yeshaachemmone’ itinaꞌone” iyo.

Erimiyaasi 23:13

“Shamaari katemeexi keemechinaꞌo waanee, gonde mooyon beeggeto taane: Baꞌaaloochi shigoona keemoon keemmitinaꞌone; ta asheenaꞌo tuneti Israꞌeeleenaꞌonoo muricooch yaabiyeete.

Erimiyaasi 31:6

Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.

Erimiyaasi 6:14

Ta asheenaꞌochi mayon kettii ciiniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 6:17

Tawoo ‘Shametee qaaroon waayebote’ iyaꞌa quyechinaꞌon ittoshi toommooch ukkiriihoye; tunebaani ittoshi waayeyaachone iyote.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hiziqeeli 3:17

“Ebich ashi bushoocho, neen Israꞌeelee macceenaꞌochi qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Hiziqeeli 33:7

“Ebich ashi bushoocho, neen Israꞌeelee macceenaꞌon qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Hosee'i 5:1

“Qeesheenaꞌote, ebin waayebote! Israꞌeelee yareenaꞌote, shalligibote! Taatee yareenaꞌote, waayebote! Nalloo ittoshi toommooch waatone. Ebiyoo Mitsiphaa olloon, Taabooraa yaggeeti dabboon ittoshi tunetoyichiye.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Hosee'i 9:9

Gibaaha boonoshi beehooba bi tunetoommon asheenaꞌo oogichii eeꞌetinaꞌone. Yeeriyoo boonoshi xuꞌoon shalligemmone. Boonoshi axaaxoyichoo boonoshin sheeremmone.

Mikiyaasi 7:4

Boonoshi daggoochee gaaweto getteeto guccinoommone; beshe deꞌo getteetoo angichi tushoommone. Quyechinaꞌo tuneti keemechinaꞌona boonoshich bi gettitoommon Yeeri ebi asheenaꞌon bi naxemmi aabo shaggitone. Andolla shaammii beetinaꞌone.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Roomi 3:7

Ta kootteti kootoona Yeerichi iberittino bi oogoyich beshi bekkemmo bi tunegaata, axaaxechon tuniiree ta toommooch bi nallemmo amoyichiye?

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.