Hosee'i 9:7 - Kafa Linguistics Project

⁷ Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Hosee'i 9:7 ပူးပေါင်းရင်းမြစ်များ

2 Taateenaꞌo 9:11

Aroochee Yehi, ginee iraashoo tuneti bi nuucheenaꞌo waan wotteꞌi bi waammona, boonoshiyoo biich, “Mooyo bulli diggoone? Ebi geyecho ne waan bi waato, aakkiyane?” iꞌi echeheete. Biyoo, “Ebi uroon, bi yibbaatoonoo ariibeeto ittoshine” iye.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 34:8

Doono Yeeri, Tsiyooni toommooch bi tuniitoommon tuniiree, Edoomi toommooch nichoon bi gaaccemmi aabo beetone.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Erimiyaasi 10:15

Boonoshiyoo gaacaalleenaꞌonaa cooqqiree shuuneenaꞌonane; nalloo boonoshi toommooch kindimmi aabooba aallemminaꞌone.

Erimiyaasi 11:23

boonoshi naxeyemmi natooba, Anaatooti katemee asheenaꞌo toommooch gonde mooyon deebemmo ta tunetoyich, boonoshiichee koniyoona echeyaachemmone” iye.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Erimiyaasi 23:13

“Shamaari katemeexi keemechinaꞌo waanee, gonde mooyon beeggeto taane: Baꞌaaloochi shigoona keemoon keemmitinaꞌone; ta asheenaꞌo tuneti Israꞌeeleenaꞌonoo muricooch yaabiyeete.

Erimiyaasi 25:14

Meeti aageteenaꞌonaa ogooge taateenaꞌona boonoshin hajjemminaꞌone; tawoo boonoshi tuniitoommonaa boonoshi kishee shuunoommonon boonoshich qoccemmo taane’ itone” iyo.

Erimiyaasi 29:26

‘Doono Yeerichi yaafee kexoochaa, geyeebee keemoon keemmiibeeti asho bullin baatee giindoona ne giindemmonaa bi qettooch sansalatoon ne geddemmonoyich, Yoyaadichi xaaꞌooch Doono Yeeri neen qeeshoo tuniiꞌi ukkiriitone.

Erimiyaasi 46:21

Bi daggooch beeti bi qaxariti ginee naayinaꞌona awuyi gubbenoomminaꞌone; boonoshi naxeyemmi aabo bi shaggitoyich, boonoshi aallo bi katinnitoyich, ikkittinoona gubb wotte wocemminaꞌone; neexoon hakkaachemminaꞌone.

Erimiyaasi 6:14

Ta asheenaꞌochi mayon kettii ciiniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 8:11

Ta asheenaꞌochi tiishoon kettii ciinniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hiziqeeli 13:10

“ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;

Hiziqeeli 13:3

Nuggishoo Doono Yeeri ishichiye: Amoonolla beegaanoon boonoshi mullee gaboon dabbiibeeti mullaalli keemechinaꞌoyich woowo!

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 5:9

Naxee aabooba Efreemi aallemmone; Israꞌeelee yoodeenaꞌo daggooch ceennemmi kashi mooyon awaajjito taane.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Hosee'i 9:8

Keemecho, ta Nuggishoochi asheenaꞌo tuneti Efreemich qayechone. Tunebaani bi gommo bulliich ollo olleetone. Bi Nuggishoochi yaafee kexoochaa etto biin quyee beetone.

Amootsi 8:2

Biyoo taan “Amootso, ebi ne ciinnaabeeti mooyo amoone?” iꞌi echehe. Tawoo “Mokkee ceeni, manjeebeeti gaangiti michi aafoone” iyo. Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Mikiyaasi 7:4

Boonoshi daggoochee gaaweto getteeto guccinoommone; beshe deꞌo getteetoo angichi tushoommone. Quyechinaꞌo tuneti keemechinaꞌona boonoshich bi gettitoommon Yeeri ebi asheenaꞌon bi naxemmi aabo shaggitone. Andolla shaammii beetinaꞌone.

Sofoniyaasi 3:4

Keemechinaꞌo geecechinaꞌonaa gibeneyaaneenaꞌonane; qeesheenaꞌo yaafoo tuneton eeꞌiiheete; sheeroonoo shaaddeheete.

Maariqoosi 3:21

Yesuusichi xibeenaꞌo ishin waayeꞌi, “Bi mullo shaddeetone” iꞌi biin yeshoyich waaheete.

2 Qorontoosi 5:13

No yibbaataabeeti yibbaatoona geyechon no shaahigaata, Yeericha iyaꞌaniye; woyee shalligechon no shaahigaata, ittoshicha iyaꞌaniye.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.