Hosee'i 9:6 - Kafa Linguistics Project

⁶ Aalloochee muricca boonoshi woci beetaa Gibitseenaꞌo boonoshin kicemminaꞌone. Memifisi katemoo boonoshin duukkemmone. Boonoshi birewee aaxxe qiicoon kubbo bullemmone. Boonoshi duukkaanoochoo angixo collemmone.

Hosee'i 9:6 ပူးပေါင်းရင်းမြစ်များ

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Shaahiyoo 24:31

Ebiyoche, angixo arooch ceennitone; shuyoo showoon guuppitone; xaqqee uxeroo tiishetone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 19:13

Tsoꞌaani iraasheenaꞌo tuusheenaꞌo tunetinaꞌone; Memifisi iraasheenaꞌo dacheetinaꞌone; yoodi yoodeexi aricheti asheenaꞌo Gibitsin muriciitinaꞌone.

Isiyaasi 27:12

Arooba, goyecho teepphoon kalloochee bi bariiyoommon, Doono Yeeri Efiraaxisi aacoochee tiijjii Gibitsee showee danooch beddaahaa beeti bi asheenaꞌo tuneti Israꞌeeleenaꞌon boonoshi ikkikkoona kicemmone.

Isiyaasi 32:13

Angixonaa guccinona ta asheenaꞌo showooch colletone; asheenaꞌo emiroona beebee echeti kexinaꞌonaa emiroona beebee echeti ebi katemoonoyich eefote.

Isiyaasi 34:13

Boonoshi taatee kexooch angixo, boonoshi mishigoochoo shimbirikkoonaa guccinona collemmone. Boqqelloonaa shaakkeenoyich beemi xaaꞌoo tunemmone;

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 7:23

Aroobee yemeenooch hume sheqeelee birewa bede, hume woyinee qomboo beeti budon guccinonaa angixona bullemmone.

Erimiyaasi 2:16

Memifisi asheenaꞌonaa Xafinaasi asheenaꞌona ne shimboon caggemminaꞌone.

Erimiyaasi 42:22

And hammii kotoyich ittoshi shunniibeeti showoochaa goraadoona, shaacoona, biiyoonoo qitemmo ittoshi tunoon xiishi ariibote” iye.

Erimiyaasi 44:1

Gibitsee showooch beeti Migidool, Xafinaasinaa Memifisi katemeenaꞌooch, wotta Phaxiroosee showoochoo beeti Ayihudeenaꞌon ciinnii beetona Erimiyaasich Doono Yeeri ishichiye:

Erimiyaasi 44:12

Gibits hami aroochoo kotoyich maacciti Yihudee cureenaꞌo aallemmoyich tuniyemmo taane; bulliyona aalleminaꞌone; Gibitsee showooch dihemminaꞌone. Goraadoona, shaacoonoo aallemminaꞌone; giishoochee oogooch beddaahaa, goraadoona, shaacoonoo qitemminaꞌone; shixxeyemminaꞌone; wuche getteyemminaꞌone; maxxaareyemminaꞌone; naaggeyemminaꞌone.

Erimiyaasi 44:13

Yerusaalemin ta naxoommon, Gibits beetinaꞌon goraadoona, shaacoona, biiyoonoo naxemmo taane.

Erimiyaasi 46:14

“Gibitsee showoochaa ebin getote; Migidool tuneechishoo awaajjibote; Memifisi katemoonaa Xafinaasi katemoonoochoo awaajjibote; ishichibote: ‘Ittoshi guudooch beetinaꞌon goraado maayemmo bi tunetoyich, tiyiree qannibote’ getote.

Erimiyaasi 46:19

Gibitsee showooch kotetinaꞌote, Memifisi shokkoon echemmo, happeyemmo bi tunetoyich, aroochoo kotemmo beetaachemmo bi tunetoyich, kecceyoyich ittoshi qiicoon qanniibote.

Hiziqeeli 30:13

“ ‘Nuggishoo Doono Yeeri ishichiye: Shahalleenaꞌon aalliyemmo taane; Memifisi beeti misileenaꞌon aalliyemmo taane; ebiyee bekk Gibitsee showooch iraashoo beetaachemmone; Gibitsee showoochoo shaton deejjemmo taane.

Hiziqeeli 30:16

Gibits qaaqqoon geddemmo taane; Felusiyeemi oogichi xuuxemmine; Tebeesi uxeree duuho tiishemmone; Memifisiyoo ooge xuuxoona beeyemmine.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Hosee'i 11:11

Qewebee Gibitsee kafoochoommon, Asooree showoocheenoo uggechoommon, woyemminaꞌone. Tawoo boonoshi kexooch boonoshi beeyemmoyich tuniyemmo taane” iye Doono Yeeri.

Hosee'i 2:6

“Ebich bi gommon angixona kaccemmo taane; kechaa kelloon mucciiree xaqqoona uxeremmo taane.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Hosee'i 7:13

“Ta waanee boonoshi wokkitoyich boonoshich woowo! Ta toommooch hukkoon boonoshi tiijjitoyich aallemminaꞌone; ta, boonoshin biisheya qaawiyoye; tunebaani boonoshi ta toommooch kootoon yibbaateheete.

Hosee'i 7:16

Gonde mooyo waan wotteheete. Muricciti shangoommon tuneheete. Boonoshi ukkireenaꞌo boonoshi heciyoochee kechiti gonde moochi naboona goraadoona qitemminaꞌone. Ebichi naboona Gibitseenaꞌona cooneyemminaꞌone” iye.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Hosee'i 9:3

Israꞌeeleenaꞌo Doono Yeerichi showooch beetaachemminaꞌone; Gibits wottemminaꞌone; Asooree showoochaanoo eeꞌe maayoon maayemminaꞌone.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Sofoniyaasi 1:11

Katemee deshi kuxooch beeti asheenaꞌote, giixechinaꞌo bulli aalletoyich, birewoona giixee beetinaꞌo bulli qititoyich, shooshe eefote.

1 Saameeli 13:6

Israꞌeeleenaꞌo boonoshi etteenaꞌo kupphiiꞌi boonoshi ginee naayinaꞌon kochitoyich, boonoshich mooyo maggoo bi tunoon ariiheete. Ebich boonoshi daggoochee xaqqee gofooch, kuchooch, xaqqee daggooch, xaqqee gogginonaa oppoonooch aasheheete.