Hosee'i 9:4 - Kafa Linguistics Project

⁴ Woyinee uyee deejjoon Doono Yeerich giddiyaachemminaꞌone. Boonoshi deejjoonoo Doono Yeerin emirikkaachemminaꞌone. Boonoshi maayo eeppi aakkee maayo tunemmone; aroon maammo bulliyoo eeꞌemmone. Ebi maayo boonoshi shaacoyich boonoshi maayemmoani Doono Yeerichi yaafee kexooch giyemmo toonoone.

Hosee'i 9:4 ပူးပေါင်းရင်းမြစ်များ

Keyo 29:40

Batti batti bagee baaddoona tookki gutte kobbaye qacini teepphee buddinoon, ikke neetiree gaawe zayitoona xiriꞌiree giddiibe. Wotta deejjoo tuniiree ikke neetiree woyinee uyoonoo ukkibe.

Keyo 40:23

yaaree koshon aree toommooch kotiiꞌi, Doono Yeeri aafooch tuniihe. Ebi bullin Doono Yeeri biich gettitoommon tuniiꞌi shuunehe.

Isiyaasi 57:6

Ittoshi nuggisheenaꞌo bambeexi naalle xaqqeenaꞌone; areenaꞌo ittoshich ixeenaꞌone; boonoshich uyee buuroon ukkiyote; maayi buuroonoo deebiyote; ishigaata ta ebi mooyoyich kaareyaachehote?

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Erimiyaasi 16:7

Koniyoona ayiniton goggiyoyich aakkee koshon deebaachemmone; bi nihoo woyee bi indee qititoyich, goggiiya uyoon deebaachemmone.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hiziqeeli 24:17

Ne qaaroon waayiyaanoon yiineballi qititoyich eeppaahine; ne qelli caacoon caace; ne caammoon gede; ne noonoon oppeyaahine; aakkee maayoonoo maayaahine” iye.

Hiziqeeli 24:22

Ebiyooba ittoshiyoo ta tuniitoommon tuniyemmo ittoshine; ittoshi noonoon oppeyaachemmo ittoshine; aakkee maayoon maataachemmo ittoshine.

Daaneeli 1:8

Daaneeli taatoochi maayoon mamonaa woyinee uyoon uyona bi eeꞌeyaachemmoyich bi mulloona gabiye. Ebin tuniyoona bi qelloon bi eeꞌiyaachemmoyich, taatee kechi iraashoo waanee daaggoon echehe.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Hosee'i 7:16

Gonde mooyo waan wotteheete. Muricciti shangoommon tuneheete. Boonoshi ukkireenaꞌo boonoshi heciyoochee kechiti gonde moochi naboona goraadoona qitemminaꞌone. Ebichi naboona Gibitseenaꞌona cooneyemminaꞌone” iye.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Yoꞌeeli 1:13

Maayi buuroonaa woyinee uyee deejjoona, ittoshi Nuggishoochi yaafee kexoochee bi kuxetoyich, qeesheenaꞌote, dookoon taheree eefote! Deejjee gudee aafooch maddee beetinaꞌote, cooki eefote! Ta Nuggishoochi maddechinaꞌote, dookoon tahe waaree qebote!

Yoꞌeeli 1:9

Maayi buuroonaa uyee deejjoona, Doono Yeerichi yaafee kexoochee kuxetone; Doono Yeeri aafooch maddeebeeti qeesheenaꞌo eefeheete.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Leweenaꞌo 17:11

Kashechi halloochi kasho bi beeto bi damoochiye. Ittoshi axaaxoon maariyoyich damoo deejjee gudooch bi ukkeyemmoyich ta getteto, ebichiye. Kashecho bi tunetoyich, axaaxoon maariibeeto damoone.

Leweenaꞌo 21:17

“Haroonich ishichibe: ‘Ne shiijjeroochee bache mooyo bi achooch beeti asho koniyoona bi Nuggishoo taach maayi buuroon giddiyoyich woyaaye.

Leweenaꞌo 21:21

Qeeshoo Haroonichi shiijjeroochee bache mooyo bi achooch beeti asho koniyoona Doono Yeeri taach qaaqqooch michaa giddeebeeti maayi buuroon giddiyoyich woyaaye; bache mooyo bi achooch bi beetoyich, bi Nuggishoo taach maayi buuroon giddiyoyich woyaaye.

Leweenaꞌo 21:6

Boonoshi Nuggishoo taach yaafeeton tunebeete. Boonoshi Nuggishoo ta shigoon naakkiyaayeete. Micciibeeti deejjoonaa maayi buuroonon taach giddii beetinaꞌo boonoshi tunetoyich, yaafeenaꞌo tunebeete.

Leweenaꞌo 21:8

Maayi buuroon ittoshi Nuggishoo taach giddiibeeto bi tunetoyich, yaafoo tuniiree biin ciinote. Ittoshin yaafiibeeti Doono Yeeri ta, yaafoo ta tunetoyich, biin yaafoo tuniiree ciinote.

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Milikiyaasi 2:13

Ittoshi tuniyemmi bare mooyo ebine: Doono Yeeri ittoshi deejjoon ciinaachemmo bi tunetoyich, ittoshi kishoocheenoo deꞌaachemmo bi tunetoyich, Doono Yeerichi deejjee gudoon acimoona, eefonaa ayinoona qeremmo ittoshine.

Haddoo 19:11

“Ashi dubenoon yechito, shabaatte qemi wottoon eeꞌo tunemmone.

Haddoo 28:2

“Israꞌeeleenaꞌoyich ishichi gete: ‘Doono Yeeri taach gaawe cinnechi deejjoon, qaaqqoona micciibeeti ta deejjoon, taach giddeebeeti ta wojjoonoo bi goori gooroon quyeree taach giddiibote’ gete.

Haddoo 4:7

“Yaaree kochi madellee toommooch shimaayite qoreddoon yaggibeete. Aree toommooch yalle saaneenaꞌon, ixaano geddeebeeti shaateenaꞌon, quppe saaneenaꞌon, ebiyoommon wotta uyee deejjoon giddiyoyich tunemmi koddeenaꞌon gedeete; kuxeyaanoon bulli aaboon geddeebeeti koshonoo arooch kotiibeete.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Yibbaatoo 26:14

Eeppaa muushenaꞌa ta kotehooba aroochee maataano taane. Ta eeꞌehooba ebi aroochee amoonolla ta kexoochee kichaano taane; qititi ashichoo buuroon giddiyaano taane. Ta Nuggishoo Doono Yeeri ne qaaroon waayeto taane. Taach ne getteto bullin ceechito taane.