Hosee'i 9:16 - Kafa Linguistics Project

¹⁶ Efreemi hosheeꞌi bi cammo shuuqqiti, aafoonoo aafeyaani mixoommon tunehe. Bushiishoon boonoshi shiyitaanona aaxxe boonoshi bushiishoon wuxemmo taane” iye.

Hosee'i 9:16 ပူးပေါင်းရင်းမြစ်များ

Halloo 41:23

Aroochee bare maayi tuppooch barahoochee yongeebeeti gaame yongo shuuꞌiito shaahiibeeti, taxxiti, yiingitte shabaatte yilleenaꞌo kechiyeete.

Iyoobi 18:16

Biyoo, dechi bi cammo qitiibeeti, tookki bi waamo shuuqqiibeeti mixoommon, tunemmone.

Isiyaasi 40:24

Boonoshiyoo batt colleebeeti, cammon awureyaani bechoomminaꞌone; yongoon bi deejjimmona bekkech shuuqqemminaꞌone; maaxxoochoommon yongo boonoshin hidii daammiye.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hosee'i 5:11

Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone.

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.