Hosee'i 9:15 - Kafa Linguistics Project

¹⁵ Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Hosee'i 9:15 ပူးပေါင်းရင်းမြစ်များ

Shoddo 78:60

Asheenaꞌo daggooch bi kotiiti bi duukkaanoon, Shilooha beeti bi beeyi xaaꞌoon, qajjiye.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Erimiyaasi 11:15

“Ta shuni asheenaꞌo ittoshi gonde mooyon ittoshi tuniitoyee gubb, ta yaafee kexooch danoyich amee aalloo (gooroo) ittoshich beete? Tiikkeshoo woyee deejjee meeno ittoshi gondoon ittoshi waanee aalliyoon hakkehe? Eboshin tuniyoona emiroon hakkehote?

Erimiyaasi 12:8

Ta hajjee asheenaꞌo kubbooch beeti daaheroommon taach tunetinaꞌone; ta toommooch tiyiꞌi ciddiyeete; ebich boonoshin shixxeto taane.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 3:8

Ebi bi shunee mamo bullich biichi koorichoon immaꞌa, gibeneyaani Israꞌeelin ta biishon kootechi Yihudi beeggetine; ebi bi manee Yihudi shataaneene; areyoo hammaꞌa shunoo maahane.

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 23:18

Bi achoon addibaaboochaa gaxxaa yahechi bi tunoon xalla arichiihan; tawoo bi manee waanee ta wottoommon, biin ciigaꞌa bi waanee badd wotteho.

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Hosee'i 12:11

Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.

Hosee'i 12:2

Doono Yeeri Yihudee asheenaꞌo toommooch yaaqqiibeeti taggoo beetone. Yaaqobin bi gommoommona sheeremmone. Bi shuunoommonoo biich qoccemmone.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Hosee'i 4:9

Qeesheenaꞌo asheenaꞌoyee baritinaꞌo tooneenaꞌone. Bullinolla boonoshi gommi gommoommona sheeremmo taane. Boonoshi shuuni shuunoommonoo qoccemmo taane.

Hosee'i 7:2

Tunebaani boonoshi gonde shuunoon shalligemmo ta tunoon gabaaneenaꞌone. Boonoshi axaaxoo boonoshin giichitone. Boonoshi shuunoo ta aafoochee aacheeto toonoone” iye.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Hosee'i 9:3

Israꞌeeleenaꞌo Doono Yeerichi showooch beetaachemminaꞌone; Gibits wottemminaꞌone; Asooree showoochaanoo eeꞌe maayoon maayemminaꞌone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Amootsi 4:4

Doono Yeeri ishichiye: “Israꞌeeleenaꞌote, akehe, cikki Beeteel beeti goyinnee xaaꞌooch hamiree axaaxoon shuune beebote! Galigal hamiree ittoshi hakkimmi wottoon axaaxoon shuune beebote! Maaddi maaddoona deejjee gijjoon, keejj keejje qemona asraatoon giddii beebote!

Amootsi 5:27

Ebich, Damaasiqi katemoyee beqach beeti showooch kecee ittoshi hammemmoyich tuniyemmo taane” iye bi shigo Beshe Mawe Doono Yeeri getteeti, Doono Yeeri.

Amootsi 5:5

Taan qaawiree Beeteel hammaahote; Galigaloo giyaahote; Beershaaboo beshe hammaahote. Galigali asheenaꞌo iberoon kecaa hammemminaꞌone; Beeteeliyoo tiishemmone” iye.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 6:5

Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

Mishiraachechinaꞌo 5:21

Mishiraachechinaꞌo ishin waayeꞌi maaddoona yaafee kexooch giyiꞌi, Yeerichi qaaroon asheenaꞌoyich dojjiyeete. Tunebaani qeeshee guudoonaa biinna tookkii beetinaꞌona, kaacheti nallechinaꞌon, Israꞌeelee showee geeneenaꞌo bullinoo ceeggiꞌi, ikkooch kiciyeete. Mishiraachechinaꞌon boonoshi deebemmoyich asheenaꞌon cuyee kexooch wocheheete.

Yaasi 10:43

Ebiyee gubb, Yaasi Israꞌeelee ginechinaꞌo bullina tookkii Galigala beeti, kaambooch wottehe.

1 Saameeli 7:16

Biyoo nati natona Beeteeli, Galigalinaa Mitsiphinooch guuddiꞌi, arooch beeti Israꞌeeleenaꞌon nallii qeejjii beehe.