Hosee'i 9:12 - Kafa Linguistics Project

¹² Shiyii boonoshi dichitee ikkoonolla echiyaanoon boonoshi waanee shohemmo taane. Ta aafoon boonoshiyee bara ta wochiyooba boonoshich woowo!” iye.

Hosee'i 9:12 ပူးပေါင်းရင်းမြစ်များ

2 Taateenaꞌo 17:18

Ebich Doono Yeeri boonoshin oogichii kaarehe; Yihudi yoodoon baach echiichii, Israꞌeeleenaꞌon bi aafoochee wokkiihe.

Iyoobi 27:14

Bushiishoo biich meettitaa, goraadoona ciiremminaꞌone; bi shiijjeroo, bi maayemmon muccemmone.

Erimiyaasi 15:7

Ittoshi gonde gommoochee wotto ittoshi qajjitoyich, katemee kello bulliich yooppoona ittoshin shaccehoye; ittoshi bushiishoon wuxaꞌa kishoon tiqqiihoye; ta asho ittoshin aalliihoye.

Erimiyaasi 6:8

Yerusaaleme, neyee ta baraachemmoyich, neen shokkaache onoon ta tuniyaachemmoyich, ta gettaa beeton manjii waayebe” iye.

Shoosho 2:20

Yerusaalemiyoo “Doono Yeero, ciine: Ebiyoommon ne tuniito koni toommoochiye? Maacheenaꞌo boonoshi gaggereenaꞌon, aaxxii boonoshi dichiti bushiisheenaꞌon, maayi beddiyeete? Qeesheenaꞌonaa keemechinaꞌona Doonochi yaafee kexoochaa qita beddiyeete?

Shoosho 2:22

“Baarooba gifirooch ceegoommon ta etteenaꞌon bulli xaaꞌoochee ta toommooch ceeggehine; Doono Yeeri ne kaaree aabooba echeto koniyoona aalloone; aaxxiyaa ta dichitinaꞌon ta etto aalliihe” iyan.

Hosee'i 7:13

“Ta waanee boonoshi wokkitoyich boonoshich woowo! Ta toommooch hukkoon boonoshi tiijjitoyich aallemminaꞌone; ta, boonoshin biisheya qaawiyoye; tunebaani boonoshi ta toommooch kootoon yibbaateheete.

Hosee'i 9:13

Ta beeggemmoochaa, Efreemi bushiisheenaꞌo kecceyoyich beshiitaa ichetinaꞌone. Efreemi bi bushiisheenaꞌon wuxechinaꞌoyich beshiiree immemmone.

Hosee'i 9:16

Efreemi hosheeꞌi bi cammo shuuqqiti, aafoonoo aafeyaani mixoommon tunehe. Bushiishoon boonoshi shiyitaanona aaxxe boonoshi bushiishoon wuxemmo taane” iye.

Milikiyaasi 2:12

Ebin tuniibeeti asho, Beshe Mawe Doono Yeerich deejjoon bi giddiiteenolla Doono Yeeri Yaaqobichi shiijjereenaꞌo daggoochee biin kichi yoohe.

Haddoo 14:34

Aabbe qemon, showoon ittoshi qiidditi haddoommon, ikke qemoyich ikke naton tuniitaa aabbe naton xuuxemmo ittoshine; ta kaaroonoo ariyemmo ittoshine.

Haddoo 26:65

Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.

Yibbaatoo 28:18

“Ne shiyaabeeti bushiishoo, ne gochaabeeti goyo, ne shiijjaabeeti gijjoo, ne bagoonaa ne emmishee shiijjoona uppeyemmone.

Yibbaatoo 28:32

Ne anaami bushiisheenaꞌonaa maache bushiisheenaꞌona, ne ciini beetaa, bare showee asheenaꞌoyich beshiitaa ichemminaꞌone. Boonoshin echiyoyich giidoon muccemmo neene; ‘Woyemminaꞌone’ geti qemi qemona ciinibee taahemmo neene.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.

Woraaferasheenaꞌo 4:16

Baraaqiyoo Harosheet Hagoyim beddaahaa ebi gaarinaꞌonaa ginee naayinaꞌonon yookkii dabbiye. Siseerichi ginee naayinaꞌo bulli goraadoona qitiyeete. Kashoona echeti ikke asholla aalloone.

1 Saameeli 16:14

Doono Yeerichi Ayaano Saaꞌool waanee wokkiye. Gonde ayaanoon Doono Yeeri deejjaa, biin xuuxiihe.