Hosee'i 9:10 - Kafa Linguistics Project

¹⁰ Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Hosee'i 9:10 ပူးပေါင်းရင်းမြစ်များ

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

2 Taateenaꞌo 17:11

Doono Yeeri boonoshi aafoochee yookkii kichiti aageteenaꞌo tuniitoommon, guudi toommeexi goyinnee xaaꞌeenaꞌo bulliichaa ixaanoon shookkii beeheete; gonde mooyon tuniibee Doono Yeerin ippii beeheete;

Shoddo 115:8

Boonoshin shuunetinaꞌo, boonoshin gibenee beetinaꞌo, boonoshiyoomminaꞌone.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Isiyaasi 28:4

Qeemi bambee toommooch beeti Shamaari bi oogoon muccemmine; biyoo shoolliibeeti bechee bungoommon, maayi qecci goorooch shiichii gaangiti, asho bi beegigaata bekkech kuxxii bi maabeeti balaasoommon tunemmine.

Erimiyaasi 11:13

Yihudee asheenaꞌote, ittoshi nuggisheenaꞌo ittoshi katemeenaꞌoommi meetinaꞌone; ciigiiti mooyoyich, Baꞌaaloyich ixaanoon shookka ittoshi shuuneti deejjee gudeenaꞌo Yerusaalemi gommi haddoommon meetinaꞌone’ iyoye.

Erimiyaasi 24:2

Batti batti mokkeexo qaabbii aafetoommi phixxaashe balaasoone; guttinnee mokkeexo bi gondoochee tiyitona mamoyich hakkeyaani gonde balaasoone.

Erimiyaasi 3:24

Tunebaani wonnee tiijjiꞌi yeelliiti shahalloyich goyinno, no qaabbechinaꞌo aajjiti aayo bullin, bageenaꞌonaa miiminaꞌonon, anaami bushiisheenaꞌonaa maache bushiisheenaꞌonon hidii maatone.

Erimiyaasi 3:25

Wonnee tiijjaꞌa hanaach beddaahaa, noonnaa no qaabbechinaꞌona no Nuggishoo Doono Yeeri toommooch axaaxoon no shuunetoyich, no Nuggishoo Doono Yeerichi qaaroonoo waayo no qajjetoyich, no yeelloon beeroochoommon heci, no cooneyoonoo qoreddoochoommon ukeree, qebone.

Erimiyaasi 31:2

Doono Yeeri ishichiye: “Israꞌeeleenaꞌo tooqqii kashoon boonoshi qaawiyooba, goraadoochee muricciti asho shuuꞌi showoochaa gidoon danemmone.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Hiziqeeli 20:8

“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Hosee'i 13:5

Barahoochaa, shuuꞌi showoochaanoo ittoshin shiimehoye.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 4:14

Ittoshi maache bushiisheenaꞌo yahechinaꞌo, ittoshi naamecheenaꞌo shunimaayeenaꞌo boonoshi tunegaata boonoshin sheeraachemmo taane. Ebiyoo doonjo ittoshi yaafee kechi yahechinaꞌona tookkii yahii, boonoshina tookkii boonoshi nuggisheenaꞌoyich deejjii ittoshi beetoyichiye. Shalligaalli asho aallemmone.

Hosee'i 4:18

Uchii masheechii shunee mamooch giyitinaꞌone. Boonoshi ukkireenaꞌoo yeelliibeeti mooyon oogichii shunniyeete.

Amootsi 4:5

Koshon galletee deejjoyich giddii beebote! Ittoshi mullee daaggoona ebin ittoshi giddii beetoyich naadee beebote! Ittoshi qaawiibeeto ebin tuniyooniye, iye Nuggishoo Doono Yeeri.

Mikiyaasi 7:1

Manjeebeeti michi aafo macaa tiyaa, woyinee aafoo buttetaa ciyaa bi maayemmon mucceti ashoommon ta tunetoyich, taach woowo! Manjeyemmi woyinee yuunjoo aalloone; ta shunnaabeeti, qaabbe balaasee michi aafoo macaa ciyitone.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Haddoo 18:13

Doono Yeerich boonoshi giddiibeeti, boonoshi showooch shaggiibeeti, maayi cillo bulli neech tunemmone. Ne kechi ashoochee xalloo tuneto koniyoona mamon hakkiye.

Roomi 6:21

Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Yibbaatoo 32:10

“Biyoo barahooch bi beetaa, amolla aalli shuuꞌi showooch bi beetaa, danehe. Bi guudoona guuddii quyeꞌi biin shiimee yechiye; bi aafee aachoochoommonoo biin quyehe.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.

Yibbaatoo 4:3

“Doono Yeeri Baꞌaal Feꞌoori guudoochaa amoon bi tuniito gaata ittoshi aafoona beeggito ittoshine. Biyoo ebi aroochaa ittoshi daggoochee Baꞌaalo getteebeeti nuggishoyich goyinnee maddetinaꞌo bullin wuxii aalliitone.

Woraaferasheenaꞌo 6:32

Ebich aroobiyee tiijjiꞌi Geediyooni Yerubaꞌali getaa ceekkehe; ebiyoo Yoꞌaashi “Ebi happeeto bi deejjee gudo bi tunetoyich, Baꞌaalo biinna taggebe” bi itoyichiye.