Hosee'i 9:1 - Kafa Linguistics Project

¹ Israꞌeeleenaꞌote, ittoshi Nuggishoyich gibeneeto tuno ittoshi qajjitoyich, emiriyaahote; bare aageteenaꞌochoommon oogichi emiriyaahote! Maayi buchi xaaꞌoo bulliichaa yahechich qocheebeeti gatiyoon shunnito ittoshine.

Hosee'i 9:1 ပူးပေါင်းရင်းမြစ်များ

Shoddo 73:27

Ebiyoche neyee wokkii beetinaꞌo aallemminaꞌone; neech gibeneyaaneenaꞌon aalliyemmo neene.

Isiyaasi 17:11

ittoshi bechiti aabooba diciree bi dechara bi bungemmoyich ittoshi tuniitaanona, ayinee aabooba, tuummi aabooboo tiyi aallemmone.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Erimiyaasi 44:17

Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.

Shoosho 4:21

Uutsi showooch beeti Edoomi asheenaꞌote, emiribote; emiroonoo wucwucote! Tunebaani ittoshichoo xoofoo shaggemmone; mashemmo ittoshine; shokkaachoonoo echemmo ittoshine.

Hiziqeeli 16:15

“ ‘Tunebaani ne, ne malletoonaa aricheti ne tunoonon gibenaꞌa gommo beshina tookkii shunee mamooch giyehine.

Hiziqeeli 16:30

“ ‘Yeellaalli yahechi maachechoommon ebi bulli mooyon ne tuniito am shaahe mullaalle tunaꞌaaniye? iye Nuggishoo Doono Yeeri.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Hiziqeeli 21:10

Guuroyich gayireetone; xeeyoochoommon waccoyichoo yoppheetone. Aabichiree emirehone? Ebi goraado ta bushoo taatee gumboon bare mixinaꞌochoommon qallayitone.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 2:12

‘Ta shunechinaꞌo waanee ta daneti gatiyoone’ bi ii beeti, woyinee qomboonaa balaasee mixinaꞌonon aalliyemmo taane. Eboshinoo kubboon tuniyemmo taane. Kubbi cooxinaꞌoo maayemminaꞌone.

Hosee'i 4:12

Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.

Hosee'i 5:4

“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.

Hosee'i 5:7

Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Amootsi 4:5

Koshon galletee deejjoyich giddii beebote! Ittoshi mullee daaggoona ebin ittoshi giddii beetoyich naadee beebote! Ittoshi qaawiibeeto ebin tuniyooniye, iye Nuggishoo Doono Yeeri.

Amootsi 6:13

Lodebaari katemoon ittoshi yechitoyich geecoona ciixeebeeto ittoshine; wotta “Qarinayimi katemoon no yecheto no giidoonane” ii beeto ittoshine.

Amootsi 8:10

Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.

Yaaqobi 4:16

Tunetaa and ittoshi qelloon oogiibee geeciibeeto ittoshine; ebiyoommi geecee yibbaatoo bulli gondoone.

Yaaqobi 5:1

Wotta hini gaannechinaꞌote! Ittoshi toommooch shaggemmi xuuxoyich “Woowo!” getibee eefote.