Hosee'i 8:6 - Kafa Linguistics Project

⁶ Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone.

Hosee'i 8:6 ပူးပေါင်းရင်းမြစ်များ

2 Taateenaꞌo 23:15

Ebiyee wotta Israꞌeeleenaꞌon axaaxoo shuuniiti, Nebaaxi bushoo Yeroboꞌami Beeteel shuuniiti, guudi toommeexi goyinnee xaaꞌoon Yosiyaasi happiye; deejjee gudoonoo waaxxiꞌi bi shuuneeti xaqqoon tiichiye; buttee qaddochii qacichiye; Asheeri misileenaꞌonoo qaaqqoona michiye.

2 Taateenaꞌo 23:19

Taatoo Yosiyaasi Israꞌeelee katemeenaꞌo aabiichona Israꞌeelee taateenaꞌo shuuniiti, Doono Yeeri ippemmoyich naboo tuneti, guudi toommeexi goyinnee xaaꞌeenaꞌo bullin happiye. Beeteel bi tuniitoommon, ebi goyinnee xaaꞌeenaꞌo toommooch tuniihe.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

Erimiyaasi 10:14

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Erimiyaasi 50:2

“Aageteenaꞌo daggooch getote! Awaajjibote, baanderoon tiijji awaajjibote! Aachiyaahote, ishichibote: ‘Baabloonee showoo yechetone; Beeli yeelletone; Merodaaki keqqitone; bi misileenaꞌo yeelletinaꞌone; bi shahalleenaꞌo keqqiteete’ getote.

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Mikiyaasi 1:7

Bi shahalleenaꞌo tiisheree buricemminaꞌone. Bi yaafee kechi yahechinaꞌoyich qocheti qiiceenaꞌo bulli qaaqqoona michaa aallemminaꞌone. Shahalleenaꞌochi misileenaꞌo bullin aalliyemmo taane. Shamaaree asheenaꞌo ebi misileenaꞌo bullin boonoshi kicito yahechinaꞌoyich qocoo qocenane; boonoshi etteenaꞌo keci daamiree yahechinaꞌoyich bi qocceyemmoyich tuniyemminaꞌone” iye.

Imbaaqoomi 2:18

Shahallee gaaco amoone? Ashi kishoona shuuneeti mooyo toone? Kootoyee besh bi waanee amolla daneyaache. Biin shuuneti asho, ebi noona miime mooyon bi gibeneebeeto amoyichiye?

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.