Hosee'i 8:13 - Kafa Linguistics Project

¹³ Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Hosee'i 8:13 ပူးပေါင်းရင်းမြစ်များ

Keyo 20:3

“Tayee besh bare nuggisheenaꞌoyich goyinne maddeyaahine.

Keyo 32:34

And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Isiyaasi 1:11

Doono Yeeri ishichiye: “Ittoshi deejjee woddo taach amoon hallehe? Bagee baaddoochi micciibeeti deejjoonaa awujjiti gijjeenaꞌochi awuyona micheto taane; wurinaꞌochi damoo, bagee baaddeenaꞌochi damoonaa emmishee baaddeenaꞌonochi damoona taan emirikkaache.

Erimiyaasi 14:10

Doono Yeeri ebi asheenaꞌoyich ishichii beetone: “Yallyallimoon shunnitinaꞌone; boonoshi baatoon yeshaaneenaꞌone; ebich Doono Yeeri ta boonoshina emiraachemmo taane; boonoshi xuꞌoonoo and gabemmo taane; boonoshi axaaxoonoo naxemmo taane” iye.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hiziqeeli 29:16

Ebiyee bekk Israꞌeelee asheenaꞌo Gibitseenaꞌona degeyaachemminaꞌone. Gibitsi toommooch shaggiti mooyo Israꞌeeleenaꞌo boonoshina degeyoona am shaahoon boonoshi xuqqito gaata boonoshich shalligichoo tunemmone; ebina Israꞌeeleenaꞌo Nuggishoo Doono Yeeri ta tunoon ariyemminaꞌone’ ” iye.

Hosee'i 11:5

“Ta waan wotto boonoshi qajjitoyich Gibits wottemminaꞌone. Asooree taatoo boonoshin hajjemmone.

Hosee'i 12:11

Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.

Hosee'i 4:9

Qeesheenaꞌo asheenaꞌoyee baritinaꞌo tooneenaꞌone. Bullinolla boonoshi gommi gommoommona sheeremmo taane. Boonoshi shuuni shuunoommonoo qoccemmo taane.

Hosee'i 5:6

Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone.

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Hosee'i 7:16

Gonde mooyo waan wotteheete. Muricciti shangoommon tuneheete. Boonoshi ukkireenaꞌo boonoshi heciyoochee kechiti gonde moochi naboona goraadoona qitemminaꞌone. Ebichi naboona Gibitseenaꞌona cooneyemminaꞌone” iye.

Hosee'i 7:2

Tunebaani boonoshi gonde shuunoon shalligemmo ta tunoon gabaaneenaꞌone. Boonoshi axaaxoo boonoshin giichitone. Boonoshi shuunoo ta aafoochee aacheeto toonoone” iye.

Hosee'i 9:6

Aalloochee muricca boonoshi woci beetaa Gibitseenaꞌo boonoshin kicemminaꞌone. Memifisi katemoo boonoshin duukkemmone. Boonoshi birewee aaxxe qiicoon kubbo bullemmone. Boonoshi duukkaanoochoo angixo collemmone.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Hosee'i 9:9

Gibaaha boonoshi beehooba bi tunetoommon asheenaꞌo oogichii eeꞌetinaꞌone. Yeeriyoo boonoshi xuꞌoon shalligemmone. Boonoshi axaaxoyichoo boonoshin sheeremmone.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.

Luqaasi 12:2

Qereeto bulli gaxxeyoo, aacheeto bulliyoo aricho echeyaani mooyone.

1 Qorontoosi 11:20

Illa ikkooch kiceechii ittoshi maabeeto Doonochi koshon toonoone.

1 Qorontoosi 11:29

Asho koniyoona Doono Yesuusichi meeno amo gaata bi tunoon shalligaanoon bi maagaata, bi uyigaatoo bi toommooch naxoon deebemmone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Yibbaatoo 28:68

‘Wochinnoon wotteree arooch hamaachemmo neene’ bi iti Gibits Doono Yeeri markaboona ne hammemmoyich tuniyemmone. Aroochaa guunonaa gonneenon tunoyich, ittoshi etteenaꞌoyich ittoshi qelloon kemma qaawemmo ittoshine; tunebaani kememmon daneyaachemmo ittoshine” iye.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.