Hosee'i 8:1 - Kafa Linguistics Project

¹ Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Hosee'i 8:1 ပူးပေါင်းရင်းမြစ်များ

2 Taateenaꞌo 18:27

Tunebaani Rabishaqi boonoshich, “Ta doono ebin ta gettemmoyich taan bi wocheto, ittoshinaa ittoshi doononoyich baachiye? Ittoshina tookki boonoshi gondechoon maayemmi boonoshi aachiyoonoo uchemmi xaqqee uxeree toommooch beeti asheenaꞌoyichoo toone?” iye.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 24:5

Asheenaꞌo Yeerichi sheeroon boonoshi shaaddetoyich, bi qociyoon boonoshi sheeꞌitoyich, bulli aabee wogoon boonoshi happitoyich, showoon wooriitinaꞌone.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Erimiyaasi 34:18

Ta wogoon happiti, ta aafooch boonoshi giyiti wogoon quyeyaani asheenaꞌon, bi meenon gutta qoodiichii bi gutte daggoona boonoshi besheti maamo toommooch boonoshi tuniitoommon, boonoshi toommooch tuniyemmo taane.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 4:5

“Yihudee showoonaa Yerusaaleminoochaa awaajjibote! Showoo bulliichoo shametoon hugote! Oogichishoo cookibee: ‘Ittoshi waataa kiceeree manje katemeenaꞌooch wocone’ getote!

Erimiyaasi 48:40

Ebich Doono Yeeri ishichiye: “Etto booyochoommon bi toommooch yoobi kindemmone; bi qoshoonoo Moꞌabi toommooch yaggemmone.

Erimiyaasi 49:22

Ebiyoche booyochoommon keyi biittemmone; bi qoshoonoo Botsiri toommooch yaggemmone; Edoomi ginee naayinaꞌo mulloo ebiyooba maaxoo manjeti maachechi mulloochoommon shattemmone” iye.

Erimiyaasi 51:27

Koyee malletoon damba tiijjibote; aageteenaꞌo daggooch tiroon hugote; biin koyoyich aageteenaꞌonoo qanniibote; Araraatichi, Miinichi, Ashikenaazichi taatee showoonoo bi toommooch kicibote; ginee iraashoonoo bi toommooch iraashiibote; gechoommon shiwureebeeti haresheenaꞌonoo bi toommooch daachiibote.

Erimiyaasi 6:1

Biiniyaami asheenaꞌote, ittoshi kashoyich Yerusaalemee keyi wocote. Gonde mooyonaa oogeti aalloona dambi-waanee woyemmo bi tunetoyich, Teqoꞌi katemoochaa shametoon hugote; Beet Hakereemi katemoochaanoo malletoon kaama tiijjibote.

Hiziqeeli 11:4

Ebich ashi bushoocho, keemoon boonoshi toommooch keembe; keemoon keembe” iye.

Hiziqeeli 16:59

“ ‘Nuggishoo Doono Yeeri ishichiye: Wogoon happoona ta wogoon ne hoxetoyich ne tuniitoommon ne toommooch tuniyemmo taane.

Hiziqeeli 17:3

Boonoshich, Nuggishoo Doono Yeeri ishichiye, gete: ‘Ogooge qoshoonaa genje wulloona biich beeti ikke xuphaaxuphe ooge booyo Libanoos yoobbii waaꞌi, yigee michi waamon yechiye.

Hiziqeeli 7:14

Shameto huggiꞌi bulli mooyon boonoshi qanniitaa, ta kaaro bulli toommooch bi tunetoyich koniyoona ginooch hamaachemmone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 5:8

“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote!

Hosee'i 6:7

“Tunebaani boonoshi Addaamichoommon wogoon happitinaꞌone. Ebi aroochaa taach gibeneyoon qajjitinaꞌone.

Hosee'i 9:15

Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:15

Tsiyoonaa tiroon hugote! Asho coomemmoyich awaajjibote! Yaafeeti kiceyoon kicibote!

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Amootsi 8:3

Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.

Amootsi 9:1

Doonon yaaꞌoona, deejjee gudee gaꞌooch neexeꞌi bi beetaa, beeggeho. Biyoo ishichiye: “Kechi koto bulli shuurimmi wottoon yaafee kechi guummon qice! Tiishi ne getaa, aree daggooch beeti asheenaꞌo bulli toommooch shekirebe. Aroochee echeton ta, goraadoona qecce wuxemmo taane. Boonoshi daggoochee koniyoona aashe echeyaachemmone; koniyoona muricaachemmone.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

Sofoniyaasi 1:16

Ebi aabo, xaqqee uxerechi katemoonaa genje dilaaloonoochaa tiree qaaroonaa ginoochaa cookeebeeti qaaroona waayeyemmi aabo tunemmone.

Zakaariyaasi 11:1

Libanoose! Qaaqqoo ne yigee mixinaꞌon bi maayemmoyich ne kelleenaꞌon qechibe!

Zakaariyaasi 9:14

Doono Yeeri boonoshi toommoochaa bekkemmone; bi shangoo xeeyoochoommon awureyemmone. Nuggishoo Doono Yeeri tiree qaaroon waayiyemmone; deshi-waani yubee yongoona hammemmone.

Maatiyoosi 24:28

Dubeno beetooch aakkeenaꞌo kiceyemminaꞌone” iye.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.