Hosee'i 7:13 - Kafa Linguistics Project

¹³ “Ta waanee boonoshi wokkitoyich boonoshich woowo! Ta toommooch hukkoon boonoshi tiijjitoyich aallemminaꞌone; ta, boonoshin biisheya qaawiyoye; tunebaani boonoshi ta toommooch kootoon yibbaateheete.

Hosee'i 7:13 ပူးပေါင်းရင်းမြစ်များ

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Iyoobi 22:17

Boonoshiyoo Yeerin ‘No waanee ikibe; Beshe Hakkechi Yeeri nooch amo halleshone?’ iyeete.

Shoddo 106:10

Boonoshin shixxii beetinaꞌo kishoochee boonoshin wodiihe; boonoshi etteenaꞌo waanee boonoshin shiwee wodiihe.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 30:2

Taan echeyaanoon Gibits kindiyeete; Faroonichi shoobooch gimon, Gibitsichi yiiroon beeyi xaaꞌoon tuniyoon qaawiyeete.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Erimiyaasi 14:10

Doono Yeeri ebi asheenaꞌoyich ishichii beetone: “Yallyallimoon shunnitinaꞌone; boonoshi baatoon yeshaaneenaꞌone; ebich Doono Yeeri ta boonoshina emiraachemmo taane; boonoshi xuꞌoonoo and gabemmo taane; boonoshi axaaxoonoo naxemmo taane” iye.

Erimiyaasi 42:20

‘No Nuggishoo Doono Yeer waan nooch corootibe; no Nuggishoo Doono Yeeri neech gettimmon nooch gete; nowoo tuniyemmo noone’ iꞌi ittoshi Nuggishoo Doono Yeer waan taan ittoshi wochetoyich, wochii ittoshi qelloon dawushito ittoshine.

Erimiyaasi 51:9

‘Baabloonin wodiiya qiiccehone; tunebaani aroo wodoon hakkaanoone; bi toommooch nalleeti nalloo shimaayooch bi shaggitoyich, gumooch beddaahaanoo damba bi tiyitoyich, biin qayote; no ikkikkoona no showi showooch wottebone’ gettemminaꞌone.

Erimiyaasi 7:15

Ittoshi maneenaꞌo tuneti Efreemichi asheenaꞌo bullin ta dufoommon ta aafoochee ittoshin duppemmo taane’ gete.

Shoosho 5:16

No qelloochee gubbichoo hollitone; axaaxoon no shuunetoyich nooch woowo!

Hiziqeeli 16:23

“ ‘Neech woowo, woowo! iye Nuggishoo Doono Yeeri. Ebi bulli gondoon tuniichaa,

Hiziqeeli 18:2

“Israꞌeelee showooch wochii wochii: Niheenaꞌo gaangaani woyinee aafoon maaheete; bushiisheenaꞌochi gasho giiriye; ittoshi ii beeti shaahiyee yibbaatoo amoone?

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Hiziqeeli 34:6

Ta bageenaꞌo guudo bullinaa geppoonooch yallyallimitinaꞌone; showoo bulliichoo shacetinaꞌone; boonoshin qaawiibeeto aalloone.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 5:7

Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Hosee'i 7:3

Doono Yeeri ishichiye: “Taatoon boonoshi gondoona, ukkireenaꞌonoo boonoshi kootoona emirikkii beetinaꞌone.

Hosee'i 9:12

Shiyii boonoshi dichitee ikkoonolla echiyaanoon boonoshi waanee shohemmo taane. Ta aafoon boonoshiyee bara ta wochiyooba boonoshich woowo!” iye.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Yoonaasi 1:10

Markabechinaꞌo oogeton keqqiyeete. Biinoo “Ebin aabichaa tuniinne?” iyeete. Ebiyoo Yoonaasi boonoshich getaa Doono Yeeri aafoochee maxxeebeeto bi tunoon boonoshi ariitoyichiye.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Mikiyaasi 6:4

Gibitsee ittoshin kichiyoye; guuchittinoochee ittoshin biishehoye; Muusi, Harooninaa Miiriyamina ittoshi aafooch shiichemmoyich tuniihoye.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

1 Yowannisi 1:10

“Axaaxoon shuuneyaano noone” no getigaata, biin kootiibeeto noone getone; bi qaaroo no mullooch aalloone.

Yaaꞌoo 8:13

Aroyee gubb ikke booyo shimaayee daggoona yoobbii bi beetaa beeggeho. Oogeti qaaroona “Bare keejje maraakeenaꞌo tiroon huggemminaꞌo boonoshi tunetoyich, showee toommooch beeti asheenaꞌoyich woowo, woowo, woowo!” bi ii beetaa waayeho.