Hosee'i 7:1 - Kafa Linguistics Project

¹ “Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Hosee'i 7:1 ပူးပေါင်းရင်းမြစ်များ

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Isiyaasi 59:12

“No xuꞌo ne aafooch woddoone; no axaaxoo no toommooch miixee beetone; no xuꞌo noonna tookkii bi beetoyich, no axaaxoon ariyaabeeto noone.

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 59:14

Dayinneto gubb wottetone; cadiqoo wokkii neexetone; iberoo addibaaboochaa tepheetone; kaamoo gimon hakkaanoone.

Erimiyaasi 51:9

‘Baabloonin wodiiya qiiccehone; tunebaani aroo wodoon hakkaanoone; bi toommooch nalleeti nalloo shimaayooch bi shaggitoyich, gumooch beddaahaanoo damba bi tiyitoyich, biin qayote; no ikkikkoona no showi showooch wottebone’ gettemminaꞌone.

Hiziqeeli 16:46

Ne qaabbe manee, bi maache bushiishoona tookkii neyee dambi-waan beeti Shamaarine; ne guuche manee bi maache bushiishoona tookkii neyee deshi-waan beeti Sodoomine.

Hiziqeeli 23:4

Boonoshi shigo, qaabbeecho Oholaahi, guucheecho Oholibahine. Guttiyona taachinaꞌo tuneheete; anaaminaꞌonaa maacheenaꞌona tuneti bushiisheenaꞌon shiyiheete. Oholaahi Shamaari tunemmona Oholibahi wotta Yerusaalemine.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Hosee'i 12:1

“Efreemi tuniibeeto, heeyo bullin aabi-keyo waanee waabeeti yongoon yecha yookkii dabboommi, gaacaalli mooyone. Kootoonaa hukkoonon woddiihe. Asooreenaꞌona tookkii wogoon giyiye; Gibitsoo zayitoon daachiihe” iye.

Hosee'i 12:2

Doono Yeeri Yihudee asheenaꞌo toommooch yaaqqiibeeti taggoo beetone. Yaaqobin bi gommoommona sheeremmone. Bi shuunoommonoo biich qoccemmone.

Hosee'i 4:17

Efreemi shahalloona tookkii yeshecho bi tunetoyich, ittoshi qayaa bi gaba hambe.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Hosee'i 5:1

“Qeesheenaꞌote, ebin waayebote! Israꞌeelee yareenaꞌote, shalligibote! Taatee yareenaꞌote, waayebote! Nalloo ittoshi toommooch waatone. Ebiyoo Mitsiphaa olloon, Taabooraa yaggeeti dabboon ittoshi tunetoyichiye.

Hosee'i 6:4

Aroochee Doono Yeeri ishichiye: “Efreemo, neen aabichibote? Yihudo, neen aabichibote? Ittoshi shoodo maaddee quboommo, harimmona bekkechi shokkeebeeti keetoommone.

Hosee'i 7:13

“Ta waanee boonoshi wokkitoyich boonoshich woowo! Ta toommooch hukkoon boonoshi tiijjitoyich aallemminaꞌone; ta, boonoshin biisheya qaawiyoye; tunebaani boonoshi ta toommooch kootoon yibbaateheete.

Hosee'i 8:5

Shamaaree asheenaꞌochi maanji shahalloon tiyaareto taane. Ta kaaro boonoshi toommooch qaaqqoo aaxxoommon aaxxemmone. Xalleyaanoon boonoshi beeyemmo aati wottooniye?

Hosee'i 8:9

Bi ikkeeto yallyallimiibeeti kubbi kuroochoommon Asooree showooch hammitinaꞌone. Efreemi gijjoona xiboon xibehe.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 19:42

“Diggoo daneebeeti gommon hanaachi ittoshi shalligito gaata, gaawetone; tunebaani bi aricheyaachemmoyich ittoshich aacheetone.