Hosee'i 6:6 - Kafa Linguistics Project

⁶ Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Hosee'i 6:6 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 50:8

Ne deejjoyich neen ittibateyaache; micciibeeti ne deejjoo bulli aabooch ta aafooch beetone.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Dojjecho 5:1

Yeerichi kexooch ne giyaa beegaata, ne qelloon ariibe; waayoyich giddo mullaalleenaꞌo giddiibeeti deejjoyee beshoone. Ebi mullaalleenaꞌo boonoshi tuniibeeto gondo bi tunoonolla ariyaaneenaꞌone.

Isiyaasi 1:11

Doono Yeeri ishichiye: “Ittoshi deejjee woddo taach amoon hallehe? Bagee baaddoochi micciibeeti deejjoonaa awujjiti gijjeenaꞌochi awuyona micheto taane; wurinaꞌochi damoo, bagee baaddeenaꞌochi damoonaa emmishee baaddeenaꞌonochi damoona taan emirikkaache.

Isiyaasi 58:6

“Ta qaawaabeeti coomoo, xuꞌoona cuchetinaꞌon ittoshi biichemmoyich, waanjeexi shachoon ittoshi kuxxemmoyich, neexaa hajjeetinaꞌon biishi ittoshi gawukkemmoyich, waanjoo bullin ittoshi tiichemmoyich toone?

Erimiyaasi 22:16

Girechonaa iriteetonochi nalloon nallii beehe; ebich biich gaawee beehe; ebi taan ariyoo toone?” iye Doono Yeeri.

Erimiyaasi 7:22

Gibitsee boonoshin ta kichiyooba ittoshi qaabbechinaꞌoyich micciibeeti deejjeechonaa bare deejjeechonon getaano taane.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Hosee'i 4:1

Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Amootsi 5:21

Doono Yeeri ishichiye: “Ittoshi nati baaroon shixxaa hoxeto taane. Baaroyich ittoshi kiceyoona emiraano taane.

Mikiyaasi 6:6

Amoon yeshi shimaajji Nuggishoo Doono Yeeri aafooch hamiree, biich goyinnebot? Micciibeeti deejjoyich, ikke nati bariyeenaꞌon yeshiree bi aafooch giddebote?

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Maatiyoosi 12:7

Wotta Yeeri ‘Deejjoyee ariqqoon shunnoye’ bi ito ama geto gaata bi tunoon ittoshi ariito gaata, axaaxoon shuuneyaaneenaꞌo toommooch nallaachesho ittoshine.

Maatiyoosi 5:7

Ariqqee beetinaꞌo diireetinaꞌone; Yeeri boonoshich ariqqemmone.

Maatiyoosi 9:13

Hambote, Yeeri ‘Deejjoyee ariqqoon shunnoye’ bi ito ama geto gaata ariibote. Axaaxechinaꞌonalli cadiqeenaꞌon ceegoyich waataano taane” iye.

Maariqoosi 12:33

Ebich asho ceeni bi mulloona, ceeni bi shalligoona, ceeni bi giidoona Yeerin shunonaa biinoommi bi manoon biinna tachiꞌi shunona micciibeeti deejjoonaa meeti bare deejjeenaꞌo bullinon Yeerich deejjoyee beshoone” iye.

Yaasi 5:5

Boonoshi keyoyee aaf anaaminaꞌo bulli dokireetinaꞌone; tunebaani Gibitsee boonoshi kechitoyee gubb, gommooch boonoshi beetaa, barahoochaa shiijjetinaꞌo bulli dokireyaaneenaꞌone.

1 Yowannisi 2:3

Yeerichi getoon ceechaabeeto no tunegaata, ebina biin ariito no tunoon xiishii ariibeeto noone.

1 Yowannisi 3:6

Ebich Kiristoosina tookkii biich beeti ikkittinoona manjiꞌi beeto axaaxoon shuuneyaache; axaaxoon shuuneebeeto bulli, biin beegaanoone; biin ariyaanoone.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.