Hosee'i 6:3 - Kafa Linguistics Project

³ Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Hosee'i 6:3 ပူးပေါင်းရင်းမြစ်များ

2 Saameeli 23:4

biyoo maaddee yaaꞌeexi bekkoommo, qubo aalli maaddoona bekkeebeeti aaboommo, amiyo shaannitoyee gubb, mocee toommooch bekkeebeeti waccoommone’ iye.

Iyoobi 29:23

Naawoobee amiyon quyoommon, ta yibbaatoon waayoyich quyee beeheete.

Shoddo 19:4

Tunebaani boonoshi gettiti qaaro showoo bulliich shaggiye; showee tuggooch beddaahaanoo waayeehe. Biyoo aaboyich shimaayooch duukkaanoon xogitone.

Shoddo 19:6

Ikke baddi shimaajji tuggoochee kechiye; bare baddi tuggooch qaxiriye; bi gaamoochee aashoon hakkemmo koniyoona aalloone.

Shoddo 63:8

Neen manjiyaa yecheto taane; ne qanne kishoo taan kaachii neechiye.

Shoddo 65:9

Amiyon dichoona showeyich aaxxiyaabeeto ne tunoon bekkiihine; oogeton bi gaannemmoyich tuniihine; Doono Yeero, showee maayoon bi immemmoyich tuniyoyich, aacinaꞌo shappii ariyaaneenaꞌone; ebiyoommo bi tunemmoyich tuniihine.

Shoddo 72:6

Taatoo, mocoo gacceeti gaddooch dihiibeeti amiyoommon, showoon shuxiibeeti amichi kuchoommon, tunebe.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Hosee'i 14:6

Nolli ateree gafgappemminaꞌone; zayitee mixochoommon malletechinaꞌo tunemminaꞌone; boonoshi cinno Libanoosee michi cinnoommon tunemmone.

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Zakaariyaasi 10:1

Naawee amiyon ittoshich bi immemmoyich Doono Yeerin qollebote; amichechi quboon immiibeeto Doono Yeerine. Biyoo ashich bede amiyon, bi ikkikkoyichoo budeexi bechoon immemmone.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Luqaasi 1:78

No Nuggishoo maaco shaacaani ariqqechone; ebich maaddee aabo keyoommon damba shimaayoochee keyiree no waan woyemmone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.