Hosee'i 6:1 - Kafa Linguistics Project

¹ Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Hosee'i 6:1 ပူးပေါင်းရင်းမြစ်များ

2 Kiinoo 30:6

Taatoochi getoommon, wocheyechinaꞌo taatoonaa iraasheenaꞌonochi koorichoon yechiꞌi, Israꞌeelee showoo bullinaa Yihudee showoo bullinooch hammiyeete. Koorichoo ishichii beetone: “Israꞌeeleenaꞌote, Asooree taateenaꞌo kishoochee muriccii echeti curo ittoshi waan bi wottemmoyich, Abrahami, Yisaaqinaa Israꞌeelinochi Nuggishoo Doono Yeer waan wottebote.

Iyoobi 16:9

Biyoo taan shixxiꞌi, bi kaaree shiixxoona ta quumoon tiichiye; ta toommooch bi gashoon shaacciye; ta etto bi aafoona koyikoyaayiꞌi taan ciinniye.

Iyoobi 22:23

Beshe Hakkechi Yeer waan ne wottegaata, wonnee ne beemooch wottemmo neene; gonde shuunoonoo ne kexoochee ne wokkiigaata,

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Iyoobi 5:18

Yeeri xoobbii mayii beetone; kaappiꞌi wodii beetone; yexxii tiichii beetone; guucciꞌi wodii beetone.

Shoddo 30:7

Doono Yeero, gaawe aafoona taan ne ciiniyooba, manje guudochoommon taan kupphiihine; tunebaani ne aafoon badd ne wochimmona keqqiyoye.

Shoddo 6:2

Doono Yeero, giidoo ta qajjetoyich taach ariqqebe; Doono Yeero, ta shaawusho niretoyich taan wodiibe.

Shoddo 71:20

Meeti xuuxoonaa iritoonon ta beeggemmoyich ne tuniitaanona wochinnoon kasho ta wochemmoyich tuniyemmo neene; showee duchoochee wochinnoon taan kichemmo neene.

Dojjecho 3:3

wuxoyich gooroo beete; wodiyoyich gooroo beete; happoyich gooroo beete; hagoyich gooroo beete;

Isiyaasi 17:7

Ebi arooba asheenaꞌo boonoshin Hallito waan ciinnemminaꞌone; boonoshi aafoonoo Israꞌeelee Yaafoo tuneti Doono Yeer waan wochemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 30:12

“Doono Yeeri ishichiye: Ne tiisho dogaano, ne mayo wodaanoone.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 33:5

Baablooneenaꞌona boonoshi koye beetee, ta kaaroona naxeree ta wuxemmi asheenaꞌochi dubenoona ebi kexinaꞌo ceennemminaꞌone. Asheenaꞌochi axaaxee naboona ta aafoon hini katemoochee wochito taane.

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Erimiyaasi 50:4

Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Shoosho 3:11

Ta gommoochee taan shottee kichiye; taan yangixxiye; shokkoon taan echiihe.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 14:4

Doono Yeeri ishichiye: “Ta kaaro boonoshi waanee bi wottetoyich, ta asheenaꞌon ta waan wochemmo taane; cikkishoo boonoshin shunnemmo taane.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Leweenaꞌo 14:48

“Tunebaani qeeshoo hammii ciinaa, kexo duppetoyee gubb bukketi mooyo wochinnoon keyaano bi tunegaata, ebi mooyo gawukkito bi tunetoyich, kexo xalloo bi tunoon arichiibe.

Sofoniyaasi 2:1

Hini yeellaalli aagetee asheenaꞌote, yongo maaxxoon tiijjii daamoommon tiijjaa hamaani beechi, qaaqqoo aaxxoommon aaxxeebeeti Doono Yeeri kaaro ittoshi toommooch kindaan beetaa, Doono Yeerichi kaaree aabo shagaan beetaa, Doono Yeer waan wottebote.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

1 Saameeli 2:6

Doono Yeeri wuxiye; wodiinoo iye. Siꞌoolooch daachiihe; aroocheenoo kichiye.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.