Hosee'i 5:5 - Kafa Linguistics Project

⁵ Israꞌeeleenaꞌochi geecoo boonoshi toommooch miixee beetone. Ebich Israꞌeeleenaꞌonaa Efreemina boonoshi axaaxoona tephee dihemminaꞌone. Yihudee asheenaꞌoo boonoshina tookki tephee dihemminaꞌone.

Hosee'i 5:5 ပူးပေါင်းရင်းမြစ်များ

Shaahiyoo 11:21

Gonde asheenaꞌo sheereyoo echeyaani mooyone; tunebaani cadiqeenaꞌo wodemminaꞌone.

Shaahiyoo 11:5

Qoonaalli ashich bi cadiqittino bi gommon kaachiye; tunebaani gonde asho bi gondoona dihemmone.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 24:16

Cadiqe asho shabaatte wottoon dihiye; wochinnoonoo tiyiye; tunebaani gonde asheenaꞌo gondooch dihemminaꞌone.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Isiyaasi 3:8

Yerusaalemi tattellaa beetine; Yihudee showoo tiishee beetone; ebiyoo asheenaꞌochi yibbaatoo tuneba boonoshi shuunoo Doono Yeerin ippiibeeto bi tunetoyichiye; bi oogoonoo qallayitinaꞌone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 44:9

Shahalleenaꞌon shuunee beetinaꞌo bulli duubeenaꞌone; boonoshi aaxxiibeeti mooyinaꞌoo gaacaalleenaꞌone; boonoshi miixeenaꞌo ciinaacheete; amoonolla ariyaacheete; ebich yeellemminaꞌone.

Isiyaasi 59:12

“No xuꞌo ne aafooch woddoone; no axaaxoo no toommooch miixee beetone; no xuꞌo noonna tookkii bi beetoyich, no axaaxoon ariyaabeeto noone.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Hosee'i 4:5

Qeesheenaꞌote, ittoshi, areddee aaboona daafeebeeto ittoshine; keemechinaꞌoo ittoshina tookkii xumoona daafee beetinaꞌone. Ebich ittoshi indee tuneti Israꞌeelee showoon aalliyemmo taane.

Hosee'i 5:14

Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Amootsi 5:2

“Gidiideyoommi Israꞌeeli dihiyane; dihiichaa tiyemmon mawiihane; bi hajjee showoochaa duppahane; biin tiijjemmo aallehe” iyaꞌa shoddaabeeto taane.

Maatiyoosi 23:31

Ishigaata, keemechinaꞌon wuxitinaꞌochi bushiishoo ittoshi tunoon ittoshi qelloona miixee beetote.

Luqaasi 19:22

“Arooba doono tiyiꞌi, ‘Hini gonde wochee bushoocho! Ta shoohaanoochee qeccaabeeti, ta bushaanoochee shafiraabeeti, maacmanje asho ta tunoon ariitine? Ishigaata, ne getteti ne noonoo ne toommooch nallitone.